سیاسی معاملات میں فوج کی شرکت اچھی مثال نہیں ،سراج الحق،
اس سے ہماری عزت میں کوئی اضافہ نہیں ہوا، فوج کا کام سرحدوں کا دفاع ہے، سیاسی معاملات سیاستدانوں ہی کو مل بیٹھ کر طے کرنے چاہئیں البتہ اگر انتخابات میں دھاندلی کا خاتمہ ہو جاتاہے اور عوام کو اپنے نمائندے منتخب کرنے کا آزادانہ حق مل جاتاہے تو یہ ملک و قوم کے مستقبل کیلئے انتہائی اہمیت کا حامل ہو گا ،امیر جماعت اسلامی
جمعہ 29 اگست 2014 22:15
لاہور ( اُردو پوائنٹ اخبار تازہ ترین۔29اگست۔2014ء) امیر جماعت اسلامی پاکستان سراج الحق نے کہاہے کہ سیاسی معاملات میں فوج کی شرکت اچھی مثال نہیں دنیا میں اس سے ہماری عزت میں کوئی اضافہ نہیں ہوا ۔ فوج کا کام سرحدوں کا دفاع ہے ، سیاسی معاملات سیاستدانوں ہی کو مل بیٹھ کر طے کرنے چاہئیں البتہ اگر انتخابات میں دھاندلی کا خاتمہ ہو جاتاہے اور عوام کو اپنے نمائندے منتخب کرنے کا آزادانہ حق مل جاتاہے تو یہ ملک و قوم کے مستقبل کے لیے انتہائی اہمیت کا حامل ہو گا اور ملک و قوم کی تقدیر سنور جائے گی ۔
ہم نے پورے اخلاص نیت سے تین ہفتے تک فریقین میں صلح کروانے اور معاملات کو مل بیٹھ کر طے کرانے کی کوشش کی ۔ ہم چاہتے ہیں کہ یہ بحران جلد ختم اور دنیا ہمارا جو تماشا دیکھ رہی ہے اس کا خاتمہ ہو ۔(جاری ہے)
فوج نے اب تک خود کو سیاسی معاملات سے علیحدہ رکھا لیکن اب فریقین نے خود ہی فوج کو مداخلت کی دعوت دے دی ہے ۔ ان خیالات کا اظہار انہوں نے جامع مسجد منصورہ میں نماز جمعہ کے بڑے اجتماع سے خطاب کرتے ہوئے کیا۔
سراج الحق نے کہاکہ گزشتہ تین ہفتوں میں اتنی تکلیف اور پریشانی دھرنوں میں شریک لوگوں نے نہیں اٹھائی جتنی مصیبت کا سامنا ہمیں کرنا پڑا ۔ ہم نے راتیں جاگتے بھاگتے اور سوچتے گزاری ہیں اور معاملات کا پرامن حل تلاش کرنے کے لیے فریقین سے بار بار ملے ہیں ۔ ہم نے تمام سیاسی جماعتوں کے قائدین سے رابطہ کر کے قوم کو اس بحران سے نکالنے کی مخلصانہ کوشش کی اور تمام جماعتوں کو ایک متفقہ حل پر جمع کرنے کے لیے بھاگ دوڑ کرتے رہے ۔ انہوں نے امید ظاہر کی کہ اب اونٹ کسی کروٹ بیٹھ جائے گا اور معاملات جلد سرھر جائیں گے ۔ غزہ کی صورتحال پر گفتگو کرتے ہوئے سراج الحق نے کہاکہ غزہ میں ایک ماہ سے زیادہ جاری رہنے والی اسرائیلی بربریت کے بعد جنگ بندی ہو گئی ہے جس میں اللہ تعالیٰ نے ہمارے بھائیوں کو کامیابی سے نوازا ہے ۔ انہوں نے کہاکہ ایک بار پھر ثابت ہوگیاہے کہ گولہ، بارود اور جہازوں اور توپ تفنگ کے مقابلے میں ایمان ہمیشہ فتح یاب ہوتاہے اور اسلحہ و بارود کو شکست سے دوچار ہونا پڑتاہے ۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.