صوبائی حکومت کو کوئی خطرہ نہیں،اسمبلی تحلیل نہیں کر ینگے ،پرویز خٹک،
ہم اپنے گیم پلان کے مطابق کامیابی سے قدم آگے بڑھا رہے ہیں اور ہمارے پیش نظر ذاتی مفادات نہیں بلکہ وسیع تر قومی اور عوامی مفاد ہے ،وزیر اعلیٰ خیبر پختونخوا
جمعرات 28 اگست 2014 19:30
پشاور(اُردو پوائنٹ اخبار تازہ ترین۔28اگست۔2014ء) خیبر پختونخوا کے وزیراعلیٰ پرویز خٹک نے کہا ہے کہ صوبائی حکومت کو کوئی خطرہ نہیں اسلام آباد میں میڈیا کے سوالات کا جواب دیتے ہوئے انہوں نے کہا کہ ہم اپنے گیم پلان کے مطابق کامیابی سے قدم آگے بڑھا رہے ہیں اور ہمارے پیش نظر ذاتی مفادات نہیں بلکہ وسیع تر قومی اور عوامی مفاد ہے اسلئے ہمیں اپنی ذات یا مفادات کے حوالے سے بھی کوئی فکر لاحق نہیں البتہ پریشانی اُنہیں ہو سکتی ہے جواقتدار کے حوس میں اندھے ہو کر کسی نہ کسی طریقے سے حکومت میں آناچاہتے ہیں چاہے اس کیلئے اُنہیں چور دروازے کا انتخاب اور غیر جمہوری و غیر اخلاقی سازشیں کیوں نہ کرنی پڑیں اور کتنی بڑی چمک دکھانی اور بڑی بڑی رشوتیں کیوں نہ دینا پڑیں انہوں نے کہا کہ اپوزیشن نے صوبائی اسمبلی میں تحریک عدم اعتماد جمع کرائی تو اسمبلی اجلاس کیوں ریکوزٹ نہیں کیا البتہ ہم جلدصوبائی اسمبلی کا اجلاس بلا کر اپنی اکثریت دکھا دینگے انہوں نے کہا کہ تحریک انصاف میں کوئی فارورڈ بلاک نہیں ہماری پارٹی ایک جمہوری سیاسی جماعت ہے جس میں اختلاف رائے بعض معاملات پر ہو سکتا ہے انہوں نے اس بات پر افسوس کا اظہار کیا کہ میڈیا میں بڑا شور مچایا گیا کہ خیبر پختونخواسے تین ارکان قومی اسمبلی نے استعفے نہیں دئیے مگر اگلے روز اسی میڈیا نے خبریں چلائیں کہ ان ارکان نے استعفے عمران خان کے حوالے کر دیئے انہوں نے کہاکہ کرپشن کی طرح دھاندلی کے حوالے سے بھی ہماری پارٹی میں زیر و ٹالرنس ہے اگر ہم پرخیبر پختونخوا میں الیکشن دھاندلی کا الزام لگتا تو دوبارہ الیکشن کرانے میں ہرگزدیر نہ کرتے وزیراعلی نے واضح کیا کہ صوبائی حکومت مکمل آئینی تحفظ کے ساتھ مضبوط اور مستحکم ہے ہماری حکومت کو اپوزیشن سمیت کسی جانب سے کوئی خطرہ نہیں ہمارے پارٹی سربراہ عمران خان واضح کر چکے ہیں کہ خیبر پختونخوا اسمبلی کو تحلیل نہیں کیا جائے گا انہوں نے کہا کہ اپوزیشن نے تحریک عدم اعتماد جمع کرانے کے بعد صوبائی اسمبلی کا اجلاس نہیں بلایا کیونکہ وہ اکثریت میں نہیں ہم صوبائی اسمبلی کا اجلاس جلد بلا رہے ہیں جس میں اپنی اکثریت دکھائیں گے ایک سوال کے جواب میں انہوں نے کہا کہ پاکستان تحریک انصاف اور خیبر پختونخوا اسمبلی میں پارٹی کا کوئی فارورڈ بلاک نہیں اختلاف رائے ہو سکتا ہے مگر ہماراکوئی رکن بغاوت نہیں کریگا خیبر پختونخوا سے تین ارکان قومی اسمبلی گلزار خان ، ناصر خان خٹک اور مسرت احمد نے استعفے نہیں دےئے تھے مگر اگلے روز ہی انہوں نے پارٹی قیادت کو وضاحت کے ساتھ استعفے جمع کرائے پرویز خٹک نے کہا کہ خیبر پختونخوا میں تمام اراکین میرٹ پر منتخب ہوئے اگر الیکشن میں دھاندلی کا الزام لگتا تو ہماری حکومت احساس جرم میں پڑنے اور خود کو بچانے کی بجائے الیکشن دوبارہ کرانے کو ترجیح دیتی کیونکہ کوئی بھی دھاندلی شدہ حکومت عوام کی قرار واقعی خدمت نہیں کرسکتی بلکہ اسے ہر مرحلے پرعوامی مفادات پر سمجھوتہ کرنا پڑتا ہے ماضی کی بعض خرابیوں سے متعلق ایک سوال کے جواب میں انہوں نے کہا کہ سابق حکومتوں کا گند صاف کرنے میں وقت لگے گا ہم کرپشن سمیت دیگر تمام نا سورجڑ سے اکھاڑ رہے ہیں تحریک انصاف اپنے پارٹی منشور پر من وعن عملدرآمد کر رہی ہے اور انشاء الله کامیابی ہماری ہوگی اور ہم عوام کے سامنے ضرور سرخرو ہونگے اور نظام کی تبدیلی کا مشن پورا کرکے دم لیں گے کیونکہ یہی غریب عوام کی اولین ضرورت ہے۔
متعلقہ عنوان :
مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.