کراچی ، قتل وغارت کا تسلسل جاری ، پاکستان ایئرفورس کے ملازم اور میاں بیوی سمیت مزید7 افراد کو موت کے گھاٹ اتاردیاگیا
جمعہ 22 اگست 2014 22:49
کراچی (اُردو پوائنٹ اخبار تازہ ترین۔22اگست۔2014ء) شہر قائد میں ٹارگیٹڈ آپریشن کے باوجود قتل وغارت کا تسلسل جاری ہے، جمعہ کو بھی ٹارگٹ کلرز سرگرم رہے اور انہوں نے پاکستان ایئرفورس کے ملازم اور میاں بیوی سمیت مزید7 افراد کو موت کے گھاٹ اتاردیا جبکہ 2 افراد زخمی ہوگئے۔ تفصیلات کے مطابق بلدیہ ٹاؤن تھانے کی حدود میں واقع روبی سینما نئی آبادی کے قریب نامعلوم مسلح افراد کی فائرنگ سے 40سالہ ابوبکر ولد محمد یاسین اعوان جاں بحق ہوگیا۔
پولیس ذرائع کے مطابق مقتول پاکستان ایئرفورس کا ملازم ہے۔ لاش کو ضابطے کی کارروائی کے لئے سول اسپتال منتقل کردیا گیا۔ ملیر سٹی تھانے کی حدود بکرا پیڑی کے قریب چونگی پر بیٹھے افراد پر مسلح موٹر سائیکل سواروں نے اندھادھند فائرنگ کردی ،جس کے نتیجے میں 3افراد موقع پر ہی جاں بحق جبکہ 2شدید زخمی ہوگئے ۔(جاری ہے)
پولیس کے مطابق جاں بحق ہونے والے افراد کی شناخت 30سالہ جاوید ولد عبدالمجید بلوچ ،30سالہ فتح محمد کے ناموں سے ہوئی ہے جبکہ زخمی ہونے والوں میں 32سالہ اکبر ،35سالہ زاہد ولد حامد اور ہمان چند ولد شام چند شامل ہیں ۔
زخمیوں اور لاشوں کو جناح اسپتال منتقل کردیا گیا ۔اسپتال ذرائع کے مطابق زخمی افراد میں ہمان چند کی حالت تشویشناک ہے ۔پولیس ذرائع کا واقعہ منشیات فروشوں کے دو گروہوں میں تصادم کے نتیجے میں پیش آیا ہے ۔پیر آباد تھانے کی حدود بلوچ روڈ میں نامعلوم افراد کی فائرنگ سے میاں بیوی جاں بحق ہوگئے، جن کی شناخت مبارک اور نسرین کے نام سے ہوئی ہے۔ پولیس کے مطابق نامعلوم مسلح افراد نے پیر آباد تھانے کی حدود میں واقع بلوچ روڈ شاہ فیصل محلہ میں ایک گھر میں فائرنگ کردی جس کے نتیجے میں میاں بیوی جاں بحق ہوگئے۔ لاشوں کو ضابطے کی کارروائی کیلئے عباسی شہید اسپتال منتقل کردیا گیا۔ پاکستان بازار تھانے کی حدود اورنگی ٹاوٴن ساڑھے 11غازی آباد کرسچن محلے سے ایک شخص کی 3سے 4دن پرانی لاش برآمد ہوئی ہے ۔پولیس ذرائع کے مطابق مقتول کی شناخت 57سالہ سیف الدین ولد جمال الدین کے نام سے ہوئی ہے ۔لاش کو ضابطے کی کارروائی کے لیے لاش کو عباسی شہید اسپتال منتقل کردیا گیا ہے ۔سپرہائی وے پر واقع مویشی منڈی کے قریب جمالی گوٹھ میں نامعلوم مسلح افراد کی فائرنگ سے ایک شخص جاں بحق ہوگیا جس کی شناخت 60 سالہ سراج الدین ولد احمد اسلم کے نام سے ہوئی ہے۔ لاش کو ضابطے کی کارروائی کے لئے عباسی شہید اسپتال پہنچایا گیا۔مزید اہم خبریں
-
حکومت کی پوری توجہ معیشت کو درست کرنے پر مرکوز ہے ، وفاقی وزیر قانون اعظم نذیر تارڑ
-
اسرائیل کاشام کے دارالحکومت دمشق پر فضائی حملہ‘ دشمن کے کچھ راکٹوں کو مار گرایا.دمشق
-
ہم وہ ہوتے ہیں جو ہم کھاتے ہیں
-
ایران: اس سال نوروز کے تہوار کے لیے عوام قناعت پر مجبور
-
روشن ڈیجیٹل اکائونٹس کے ذریعے سمندر پارپاکستانیوں کی ترسیلات زرکاحجم 7.478 ارب ڈالر سے تجاوزکرگیا
-
ڈاکٹریاسمین راشد کی ضمانت کی درخواست پرسماعت 29 مارچ تک ملتوی
-
انتخابات میں مبینہ دھاندلی کیخلاف احتجاج،شعیب شاہین،شیر افضل مروت ودیگر کی ضمانتیں منظور
-
2015میں محرم کی حفاظتی ڈیوٹی پر تعینات سندھ رینجرز نے 8 سال بعدریڈیوپاکستان کی عمارت خالی کردی
-
انسداد دہشت گردی عدالت: اسد عمر‘زین قریشی سمیت 79 ملزمان کی عبوری ضمانتوں میں توسیع
-
وزیراعلی پنجاب سے ایرانی قونصل جنرل کی ملاقات ، منصب سنبھالنے پرمبارکباد پیش کی
-
نواز شریف،یوسف رضاگیلانی کیخلاف توشہ خانہ ریفرنس،نیب سے رپورٹ طلب
-
اسلام آباد پولیس نے سینکڑوں سوشل میڈیا اکاؤنٹس بند کروا دیئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.