امپائر کی انگلی کی باتیں کرنے والے فوج کی طرف اشارہ کررہے ہیں ، مولانا فضل الرحمن
جمعہ 22 اگست 2014 21:33
اسلام آباد(اُردو پوائنٹ اخبار تازہ ترین۔22اگست۔2014ء) جمعیت علمائے اسلام (ف)کے سربراہ مولانا فضل الرحمان نے کہا ہے کہ امپائر کی انگلی کی باتیں کرنے والے فوج کی طرف اشارہ کررہے ہیں عمران خان دھرنوں کی سیاست کرنا چاہتے ہیں ملک کو یرغمال نہیں بننے دینگے ہم چاہیں تو 24گھنٹوں میں پورا پاکستان اسلام آباد میں جمع کر سکتے ہیں حکومت دھاندلی میں ملوث افراد کی تحقیقات اور انتخابی اصلاحات پر رضا مند ہے انتخابی اصلاحات پارلیمنٹ میں ہی ہوسکتی ہیں، عمران خان ساری زندگی طالبان سے بات کرتے رہے،خود مذاکرات کیوں نہیں کررہے؟۔
جمعہ کو ایک انٹرویو اور میڈیا سے گفتگو کرتے ہوئے مولانا فضل الرحمان نے کہا کہ دھرنوں کی سیاست سے ملک کو بھی نقصان ہورہا ہے، دھرنیوالے عوامی حمایت سے محروم اور ان کے نعرے کھوکھلے ہیں ، یہ لوگ پاکستان کی آواز نہیں۔(جاری ہے)
انہوں نے کہا کہ عمران خان دھرنوں کی سیاست کرنا چاہتے ہیں جب کہ ان لوگوں کو سیاسی روش اپنانا ہوگی ہم چاہتے ہیں کہ انہیں درمیانی راستہ ملے اس لیے مذاکراتی عمل کی حمایت کرتے ہیں مگر ملک کو یرغمال نہیں بننے دیں گے، 5 سے 10 ہزار افراد ملک کو یرغمال نہیں بناسکتے اگر ہم چاہیں تو 24 گھنٹوں میں پورا پاکستان اسلام آبا میں جمع کرسکتے ہیں۔
مولانا فضل الرحمان نے کہا کہ عمران خان روزانہ بیانات بدلتے ہیں، ان کے کہنے پر اسمبلی تحلیل ہوگی اور نہ ہی وزیراعظم استعفیٰ دیں گے، حکومت دھاندلی میں ملوث افراد کی تحقیقات اور انتخابی اصلاحات پر رضا مند ہے اورانتخابی اصلاحات پارلیمنٹ میں ہی ہوسکتی ہیں، عمران خان ساری زندگی طالبان سے بات کرتے رہے،اب طالبان سے مذاکرات کے حامی حکومت سے مذاکرات کیوں نہیں کررہے۔ انہوں نے کہا کہ تاجروں اور سول سوسائٹی نے سول نافرمانی کی تحریک کو مسترد کردیا ہے اب امپائر کی طرف انگلی کی باتیں کرنے والے فوج کی طرف اشارہ کررہے ہیں، حکومت نے ہم سے مذاکرات میں مدد مانگی تو دیں گے اور ملک کو چند افراد کے ہاتھوں یرغمال نہیں دیں گے۔انہوں نے کہا کہ عمران خان ایک غیر سنجیدہ آدمی ہیں، انہیں نہ تو آئین کا احترام ہے اور نہ ہی پارلیمنٹ کا، پارلیمنٹ ہاؤس کے باہر جو زبان بولی جا رہی ہے اور گانا بجانا شروع کر رکھا ہے اس سے پارلیمنٹ کی توہین کی جا رہی ہے۔ ایک سوال کے جواب میں انہوں نے کہا کہ تحریک انصاف اور عوامی تحریک کے تمام مطالبات غیر آئینی ہیں، پارلیمنٹ وزیراعظم اور حکومت کے ساتھ کھڑی ہے۔ ایک اور سوال کے جواب میں مولانا فضل الرحمان نے کہا کہ تیسری قوت اس حد تک غیر سنجیدہ نہیں کہ ان کا ساتھ دے اور ان کے کہنے پر متحرک ہو جائے۔متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.