وزیر اعظم کے استعفے کا مطالبہ غیر آئینی ہے: رحمان ملک

جمعہ 22 اگست 2014 15:31

کراچی (اُردو پوائنٹ تازہ ترین اخبار۔2 2اگست 2014ء) پیپلز پارٹی کے رہنما رحمان ملک نے کہا ہے کہ تبدیلی آئین کے دائرے میں آئے تو قبول ہوگی، وزیر اعظم کے استعفٰے کا مطالبہ غیر آئینی ہے،ڈیڈ لاک تصادم کی طرف بڑھ رہا ہے ۔ بلاول ہاؤس میں ہونے والے پیپلزپارٹی کی سینٹرل ایگزیکٹیو کمیٹی کے اجلاس مین شرکت کے لئے کراچی پہنچنے پر ائیر پورٹ پر میڈیا سے بات چیت کرتے ہوئے سابق وفاقی وزیر داخلہ رحمان ملک نے کہا کہ سیاست صبر کا امتحان ہوتا ہے ، دونوں جماعتیں صبر سے کام لیں اور مسئلہ کا حل نکالیں ، ڈیڈلاک تصادم کا سبب بن سکتا ہے ۔

عمران خان نواز شریف سے استعفٰٰی مانگ رہے ہیں ، نواز شریف استعفٰے دینے پرتیار نہیں ہیں ۔ وزیر اعظم کے استعفٰے کا مطالبہ غیر آئینی ہے ۔

(جاری ہے)

ان کا کہنا تھا کہ تبدیلی آئین کے دائرے میں آئے تو قبول ہوگی ۔ پیپلزپارٹی سے کسی نے رابطہ نہیں کیا ہے ۔ ضرورت پڑی تو آصف علی زرداری بیچ میں پڑیں گے ۔ پیپلزپارٹی نے اپنا کردار نیوٹرل رکھا ہے ۔ ہم نے ہمیشہ جمہوریت کے لئے کردار ادا کیا ہے ۔ پیپلزپارٹی آئین اور جمہوریت کے لئے کام کرے گی پیپلز پارٹی کے جیالوں نے جمہوریت کے لئے ماریں کھائی ہیں ۔ انہوں نے بتایا کہ پیپلز پارٹی کی سینٹرل ایگزیکٹیو کمیٹی کے اجلاس میں موجودہ صورتحال پر غور کیا جائے گا ۔

Facebook Twitter Google + Share on Whatsapp

وزیر اعظم کے استعفے کا مطالبہ غیر آئینی ہے: رحمان ملک

متعلقہ عنوان :

مزید اہم خبریں