22اگست کو ”یومِ حمایت طاہرالقادری“ منایا جائے گا،30سیاسی و مذہبی جماعتوں کا مشترکہ اعلامیہ
جمعرات 21 اگست 2014 18:26
لاہور(اُردو پوائنٹ اخبار تازہ ترین۔21اگست۔2014ء) ڈاکٹر طاہرالقادری کے آئینی و جمہوری مطالبات تسلیم کرتے ہوئے اسمبلیاں تحلیل کر کے جمہوری اصلاحات کے لیے قومی حکومت قائم کی جائے۔ وزیراعظم سیاسی بحران کے خاتمے کے لیے فی الفور استعفیٰ دیں۔ انقلابی دھرنے کے خلاف طاقت کا استعمال برداشت نہیں کیا جائے گا۔ جمعتہ المبارک 22 اگست کو ملک بھر میں ”یومِ حمایت طاہرالقادری“ منایا جائے گا اور جمعہ کے اجتماعات میں انقلاب مارچ کے مطالبات کے حق میں قراردادیں منظور کی جائیں گی اور علمائے کرام طاہرالقادری کے عوامی ایجنڈے کو خطباتِ جمعہ کا موضوع بنائیں گے۔
عدالتی حکم کے مطابق سانحہٴ لاہور پر عوامی تحریک کی ایف آئی آر فی الفور درج کی جائے اور ایف آئی آر میں نامزد کیے گئے 30 افراد کو فی الفور گرفتار کر کے قانون کے کٹہرے میں لایا جائے۔(جاری ہے)
اس بات کا اعلان سنی اتحاد کونسل کے میڈیا سیل کی طرف سے جاری کیے گئے 30 سے زائد سیاسی و مذہبی جماعتوں کے متفقہ مشترکہ اعلامیہ میں کیا گیا ہے۔ اعلامیہ میں مزید کہا گیا ہے کہ قوم کی اکثریت نظام کی تبدیلی اور انقلاب کے حق میں ہے۔
انقلاب و آزادی مارچ کے لاکھوں شرکاء نے حکومت کے خلاف عدم اعتماد کا اظہار کر دیا ہے۔ اس لیے اب دھاندلی کی پیداوار ناجائز حکومت کو اقتدار میں رہنے کا کوئی آئینی و قانونی حق نہیں ہے۔ مطالبات تسلیم ہونے تک انقلابی دھرنا جاری رہے گا۔ انقلابی دھرنے کے لاکھوں شرکاء نے عزم، حوصلے اور استقامت کی نئی مثال قائم کی ہے۔ انقلاب کی جدوجہد دھن، دھونس اور دھاندلی پر مبنی جعلی جمہوریت کو ختم کر کے ملک میں حقیقی جمہوریت کے لیے کی جا رہی ہے۔ نوازشریف نے استعفیٰ نہ دیا تو ملک کے حالات انتہائی سنگین ہو سکتے ہیں جن کی ذمہ داری حکومت پر عائد ہو گی۔ حکومت کے خلاف عملاً بغاوت ہو چکی ہے۔ قاتل حکمرانوں کو تحفظ دینے والی فراڈ جمہوریت کو نہیں مانتے۔ لاکھوں پاکستانی اسلام آباد پہنچ کر نواز شریف کی حکومت کو چیلنج کر رہے ہیں۔ موجودہ نظام اشرافیہ کے مفادات کا محافظ ہے۔ انقلاب مارچ کے لاکھوں شرکاء نے 6-7 روز سے امن پسندی کا ثبوت دیا ہے۔ حکومت کے خلاف عوام کی نفرت خطرناک حد کو چھو رہی ہے۔ نوازشریف حکومت قائم رہی تو جمہوریت قائم نہیں رہے گی۔ اعلامیہ جاری کرنے والوں میں پاکستان مسلم لیگ کے سربراہ چوہدری شجاعت حسین، پاکستان عوامی تحریک کے صدر حریق حق عباسی، سنی اتحاد کونسل کے چیئرمین صاحبزادہ حامد رضا، مجلس وحدت المسلمین کے سربراہ علامہ راجہ ناصر عباس، آل پاکستان مسلم لیگ کے مرکزی سیکرٹری جنرل ڈاکٹر امجد، تحریک صوبہ ہزارہ کے سربراہ بابا حیدر زمان، پاکستان فلاح پارٹی کے مرکزی صدر قاضی عتیق الرحمن، جے یو پی (نیازی) کے سربراہ پیر سیّد معصوم حسین نقوی، نیشنل مشائخ کونسل کے صدر خواجہ غلام قطب الدین فریدی، مرکزی جمعیت علمائے پاکستان کے سیکرٹری جنرل پیر سیّد محمد اقبال شاہ، تحریک مشائخ پاکستان کے صدر پیر میاں غلام مصطفی، سرائیکی لیگ کے راہنما خالد مختار، انجمن طلبائے اسلام کے مرکزی صدر ارحم سلیم قادری، سنی علماء بورڈ کے صدر علامہ ارشاد فخری، تنظیم مشائخ عظام کے سربراہ پیر صوفی مسعود احمد، محاذ اسلامی کے رانا حفیظ احمد، دفاعِ اسلام محاذ کے صدر مفتی محمد رمضان جامی، مرکزی مجلس چشتیہ کے صدر پیر طارق ولی چشتی، تحریک نفاذ فقہ حنفیہ کے علامہ حافظ محمد یعقوب فریدی، انجمن خدام الاولیاء کے صدر صاحبزادہ محمد احمد قادری، جانثارانِ ختم ِ نبوّت کے سربراہ مولانا فیض سیالوی اور دیگر شامل ہیں۔ شاہ محمود قریشی کے گھر پر حملہ قابل مذمت ہے۔مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.