رات 8 بجے حکومت کے جانے کا اعلان کروں گا، عمران خان
اتوار 17 اگست 2014 18:41
اسلام آباد(اُردو پوائنٹ اخبار تازہ ترین۔17اگست۔2014ء) عمران خان کہتے ہیں کہ آج جو بات کروں گا نواز شریف برداشت نہں کرسکیں گے، رات 8 بجے حکومت جانے کا اعلان کروں گا، لکھ کر دینے کو تیار ہوں نواز حکومت ایک دو ہفتے کی مہمان ہے، پُرامن طریقہ کار رکھوں گا، ثابت ہوگیا سانحہ ماڈل ٹاؤن میں شہباز شریف ملوث ہیں، سیشن کورٹ کے فیصلے کے بعد وہ نہیں بچیں گے۔
نجی ٹی وی سے خصوصی گفتگو کرتے ہوئے پاکستان تحریک انصاف کے سربراہ عمران خان نے کہا کہ پورا یقین ہے قوم وہ کرے گی جو میں کہوں گا، ہم آج تک ظلم سہتے رہے اور جہاد نہیں کیا، حکمران قرض کی قسطیں واپس کرنے کیلئے ٹیکس لگارہے ہیں، بحیثیت پاکستانی حکمرانوں کا جھوٹ برداشت نہیں کرسکتا، مجھے نواز شریف سے کوئی مسئلہ ہے نہ کسی سے لڑائی۔(جاری ہے)
انہوں نے کہا کہ مجھے سیاست کی ضرورت ہے نہ کوئی اور کام کرنے کی، نواز شریف نہ گئے تو عمران خان کو کیا فرق پڑے گا، میں نے فیکٹریاں نہیں لگانیں، اللہ نے سب کچھ دیا ہے، اپنا گھر تبدیل کروں گا نہ کوئی جائیداد بناؤں گا، نواز شریف کے صاحبزادے 800 کروڑ کے فلیٹ میں رہتے ہیں، کیا 100 ارب روپے کے فنڈز بیٹی کو دے دینا میرٹ ہے؟، حکمران چوری کا پیسہ باہر جاکر انویسٹ کررہے ہیں، میٹرو منصوبے میں شامل ترکی کی فرم کے پیچھے ان کے بیٹے ہیں۔
پی ٹی آئی چیف کا کہنا ہے کہ جلسہ گاہ پہنچنے کیلئے تڑپ رہا ہوں، انتظار ہے 8 بجیں اور میں قوم سے بات کروں، آج جو کہوں گا نواز شریف برداشت نہیں کرسکیں گے، رات 8 بجے حکومت کے جانے کا اعلان کروں گا، لکھ کر دينے کو تيار ہوں حکومت ايک سے دو ہفتے کی مہمان ہے، نواز شریف کا دور ختم ہوگیا ہے، آج وہ اسپیل کراؤں گا جو بھارت میں کرکے انہیں شکست دی تھی۔نجی ٹی وی نے سوال کیا کہ آپ پاکستان کے اگلے وزیراعظم ہیں؟، جس پر انہوں نے جواباً کہا کہ انشاء اللہ جب بھی انتخابات ہوئے، حکمرانوں نے دھاندلی کی اس لئے انتخابات نہیں کرائیں گے، ہارتا وہ ہے جو ہارمان جائے، سیٹلمنٹ کرکے آنیوالے چور ڈاکوؤں سے کیا بات کروں؟، مجھے کسی ڈیل کی ضرورت نہیں کہ ایف ایٹ جاؤں، حکمران مجھے کیا آفر دے سکتے ہیں، وزیراعظم بننے سے بڑی ڈیل کوئی نہیں ہوسکتی، میں چاہتا تو پرویز مشرف کا وزیراعظم بن جاتا۔عمران خان کہتے ہیں کہ ثابت ہوچکا ہے سانحہ ماڈل ٹاؤن میں شہباز شریف ملوث ہیں، سیشن کورٹ کے فیصلے کے بعد وہ نہیں بچیں گے، کے پی کے ميں ہمارے خلاف جلسہ ہوجائے تو اگلے دن اليکشن کرادوں گا، میچ جتوانے والا کپتان باہر بیٹھ کر کپتانی نہیں کرتا، کے پی کے میں وژن میرا اور کپتان پرویز خٹک ہیں، حکومت نے ہمارے 4 ہزار کارکن پکڑے ہوئے ہیں۔ان کا کہنا ہے کہ فضل الرحمان کو جب چاہیں خریدلیں، وہ دین پر سیاست کررہے ہیں، ان کی قيمت 2 یا 3 وزارتيں ہيں، نواز شریف کا اپنے لئے ایک قانون ہے، عوام کیلئے دوسرا، وہ جعلی مینڈیٹ سے آنیوالے وزیر اعظم ہیں، الیکشن میں دھاندلی کی اجازت کون سا آئین دیتا ہے، بیساکھیوں کی ضرورت انہیں ہے جن کے پاس عوام کا سہارا نہ ہو۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.