پاکستان پیپلزپارٹی ضلع حویلی کی تنظیم سازی پر خواجہ طارق سعید اورراجہ فیصل ممتازراٹھورآمنے سامنے
ہفتہ 2 اگست 2014 13:35
حویلی (اُردو پوائنٹ اخبار تازہ ترین۔2اگست۔2014ء) پاکستان پیپلزپارٹی ضلع حویلی کی تنظیم سازی پر خواجہ طارق سعید اورراجہ فیصل ممتازراٹھورآمنے سامنے ۔
(جاری ہے)
وزیربرقیات راجہ فیصل راٹھور نے پی پی پی آزادکشمیر ضلع حویلی کی خفیہ طورپر تنظیم سازی کردی ‘ جس کاسن کر پی پی ضلع حویلی ‘ پی ایس ایف ‘ پی وائی او ‘ پیپلزٹریڈرزونگ ‘ پیپلزلائرز فورم ‘ پیپلز لیبر بیورو ‘ شعبہ خواتین کی طرف سے شدید احتجاج جبکہ خواجہ طارق سعید ایڈووکیٹ نے نسیم راٹھور کو ضلع حویلی کا صدر تسلیم کرنے سے انکارکرتے ہوئے انہوں نے کہاکہ تنظیم سازی سے سلسلہ میں اُن سے کسی بھی قسم کی مشاورت نہیں کی گئی ‘ اورنہ ہی کسی بھی قسم کاکوئی اجلاس منعقد کیاگیا ‘ جس میں جملہ ضلعی ودیگر ذیلی تنظیم ہاء پیپلزپارٹی حویلی سے مشاورت کی گئی ‘یاد رہے کہ گزشتہ الیکشن میں خواجہ طارق سعید ایڈووکیٹ اوراُن کی ٹیم جس میں پاکستان پیپلزپارٹی کے بانی رہنماؤں سمیت پیپلزپارٹی کے درینہ کار کنان وعہدیداران بھی شامل تھے نے کامیاب میں کلیدی کرداراداکیاتھا اب فیصل راٹھور نے اپنی ہی برادری میں صدارت کااعلان کرکے ہزاروں جیالوں کے حقوق پرشب خون مارا ہے جس پر کارکنان وعہدیداران پاکستان پیپلزپارٹی ضلع حویلی نے طارق سعید سے شدید احتجاج کرتے ہوئے کہاہے کہ اگر اسی طرح ڈرائینگ روم کے اندربیٹھ کر پیپلزپارٹی کی تنظیم سازی کرنی ہے تو پھر ہماراایسی کسی بھی تنظیم سے کوئی تعلق نہیں ‘ خواجہ طارق سعید نے کہاکہ پیپلزپارٹی وزیرموصوف کے ڈرائینگ روم میں لگی ہوئی کوئی تصویرنہیں جسے وہ جب چاہیں جہاں چاہیں نصب کردیں ہم ایسی کسی تنظیم کو تسلیم نہیں کرتے اورجلد ہی ورکر کنونشن بلاکرآئندہ کے لائحہ عمل کا اعلان کریں گے ‘ ڈسٹرکٹ حویلی میں پاکستان پیپلزپارٹی واضح دوحصوں میں تقسیم ہوچکی ہے اب دیکھنایہ ہے کہ اونٹ کس کروٹ بیٹھتاہے ‘ خواجہ طارق سعید ایڈووکیٹ نہایت ہی ٹھنڈے مزاج کے انسان ہیں مگر جب میڈیا نے اس حوالہ سے اُن سے گفتگو کی توانہوں نے سخت الفاظ سے ایسی کسی تنظیم کو تسلیم کرنے سے انکارکیا انہوں نے کہاکہ کسی بھی شخص کو سیاسی داؤ لگانے کی اجازت نہیں دی جاسکتی ‘ پیپلزپارٹی کی بنیاد ہمارے آباؤ اجداد نے رکھی تھی ‘ عوام کی خدمت اورعلاقے کی تعمیروترقی پر کسی صورت سمجھوتہ نہیں کیاجاسکتا ۔
متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.