شہباز شریف اور اسحاق ڈار کا عمران خان سے رابطہ ،مطالبات پر غور کرنے کی یقین دہانی
پیر 28 جولائی 2014 13:13
اسلام آباد/لاہور( اُردو پوائنٹ اخبار تازہ ترین۔28جولائی۔2014ء) پاکستان مسلم لیگ (ن) کی مرکزی قیادت نے تحریک انصاف سے رابطہ کر کے مطالبات پر غور کرنے کی یقین دہانی کرا دی،پی ٹی آئی نے کہا ہے کہ خفیہ اور دوسرے ذریعوں کی براہ راست رابطوں پر ہی ردعمل ظاہر کریں گے ۔ نجی ٹی وی نے ذرائع کے حوالے سے کہا ہے کہ وزیراعلی پنجاب محمد شہبازشریف اوروفاقی وزیر خزانہ سینیٹر اسحاق ڈار نے عمران خان سے رابطہ کر کے آزادی مارچ سے متعلق مذاکرات کرنیکی پیشکش کی ہے۔
ذرائع کا کہنا ہے کہ نواز لیگ کی قیادت تحریک انصاف کے مطالبات پر غور کرنے کو تیار ہے ۔ عمران خان کے ترجمان نعیم الحق کا کہنا ہے مدینہ منورہ میں اسحاق ڈار نے تحریک انصاف کے ایک رہنما سے ملاقات میں بات چیت کا عندیہ ضرور دیا لیکن نوازلیگ کی طرف سے کوئی پیشکش نہیں کی گئی ۔(جاری ہے)
ان کا کہنا تھا کہ جب تک نواز لیگ کی جانب سے براہ راست رابطہ نہیں کیا جاتا ردعمل ظاہر نہیں کریں گے ۔
سیاسی مبصرین حکومت اور تحریک انصاف کے درمیان بیک ڈور رابطوں کو اہم قرار دے رہے ہیں ۔دوسری طرف ایک نجی ٹی وی سے بات کرتے ہوئے پاکستان تحریک انصاف کے سربراہ عمران خان نے کہا ہے کہ وزیراعلی پنجاب شہباز شریف نے رابطہ کیا ہے اور کہا ہے کہ حکومت تحریک انصاف کے مطالبات ماننے کو تیار ہے،چوہدری نثار (ن) لیگ میں واحد شخصیت ہیں جو دربار ی نہیں، ان کے لئے ہماری پارٹی کے دروازے ہمیشہ کھلے ہیں،آرٹیکل 245 کا نفاذ سپریم کورٹ میں چیلنج کریں گے۔عمران خان نے کہا کہ فوج کو غیر جانبدار رہنا چاہیے اور حکومت کا ساتھ نہیں دینا چاہیے ۔ شہبازشریف نے رابطہ کر کے کہا ہے کہ حکومت ہمارے مطالبات ماننے کو تیار ہے۔ انہوں نے کہا کہ 14اگست کو اسلام آباد میں ہی رہیں گے، واپس نہیں آئیں گے، خون بھی دینا پڑا تو دیں گے، کارکنوں پر فوج یا پولیس نے گولی چلائی تو نواز شریف کے خلاف قتل کا مقدمہ کریں گے۔عمران خان نے کہا کہ طاہرالقادری کو ساتھ ملاسکتے ہیں لیکن ان کے انقلاب کو ماننے کے لئے تیار نہیں ہیں۔ چوہدری نثار (ن) لیگ میں واحد شخصیت ہیں جو دربار ی نہیں، ان کے لئے ہماری پارٹی کے دروازے ہمیشہ کھلے ہیں۔ انہوں نے کہا کہ آرٹیکل 245کا نفاد سپریم کورٹ میں چیلنج کریں گے۔متعلقہ عنوان :
مزید اہم خبریں
-
دنیا بھر میں خود پسند حکمرانوں والی ریاستوں کی تعداد جمہوریتوں سے زیادہ
-
جرمنی انسانی حقوق کی صورتحال میں بہتری لائے، یورپی کونسل
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.