پنگریو اور گرد ونواح کے شہروں کی زرعی منڈیوں میں تاجروں نے پھٹی کے نرخوں میں 600روپے فی من کمی کر دی
ہفتہ 26 جولائی 2014 17:22
پنگریو( اُردو پوائنٹ اخبار تازہ ترین۔26جولائی۔2014ء) پنگریو اور گرد ونواح کے شہروں کی زرعی منڈیوں میں تاجروں نے پھٹی کے نرخوں میں 600روپے فی من کمی کر دی ہے جس کی وجہ سے پھٹی کے کاشت کاروں کو زبردست مالی نقصان ہو رہا ہے تاجروں کا کہنا ہے کہ عید الفطر کی آمد کے باعث ملکی منڈی میں پھٹی کی خرید و فروخت بند ہو گئی ہے جس کی وجہ سے نرخوں میں کمی ہوئی ہے جبکہ کاشت کاروں نے کہا ہے کہ تاجر حیلوں بہانوں کے ذریعے زرعی اجناس میں از خود کمی بیشی کرتے رہتے ہیں اور حکومت نرخوں کے معاملے پر تاجروں کے ساتھ فریق بنی ہوئی ہے تفصیلات کے مطابق پنگریو اور اس سے ملحقہ شہروں کھوسکی، شادی لارج، نندو ، ٹنڈوباگو، خلیفو قاسم ، ملکانی شریف، نوکوٹ، جھڈو، ڈیئی، کھڈھرو، تلہار میں تاجروں نے اچانک پھٹی کے نرخوں میں چھ سو روپے فی من کمی کر دی ہے جس سے پھٹی کی فی من قیمت3300 روپے سے کم ہو کر2700 ہو گئی ہے پھٹی کے نرخوں میں ہونے والی بھاری کمی کے باعث کاشت کاروں کو زبردست مالی نقصان ہو رہا ہے جس پر کاشت کار سراپا احتجاج بن گئے ہیں تاجروں نے پھٹی کے نرخوں میں کمی کا سبب عید الفطر کی آمد بتایا ہے تاجروں کے مطابق عید الفطر کی تعطیلات کے باعث ملکی منڈی میں پھٹی کی خریدوفروخت بند ہو گئی ہے جس کی وجہ سے اس کے نرخوں میں کمی آئی ہے جبکہ کاشت کاروں نے تاجروں کے اس موقف کو رد کر دیا ہے اور کہا ہے کہ تاجر طبقہ اپنی مرضی کے مطابق پھٹی کے نرخوں میں کمی بیشی کرتا رہتا ہے اور تاجر حضرات زرعی اجناس کے نرخوں میں کمی کرنے کے لئے ہر وقت کوئی نہ کوئی بہانہ تلاش کرتے رہتے ہیں کاشت کار رہنماؤں گلن شاہ، علی اکبر چانڈیو، وکیل ملک اور جان محمد کمبوہ نے میڈیا سے بات چیت کرتے ہوئے اس ضمن میں بتایا کہ زرعی اجناس کے نرخوں پر متعلقہ حکومتی اداروں کا کوئی کنٹرول نہیں ہے اور تاجروں کو اپنی مرضی کے نرخ مقرر کرنے کی کھلی چھوٹ دے دی گئی ہے انہوں نے مزید کہا کہ تاجروں نے پھٹی کے نرخوں میں اچانک زبردست کمی کرکے کاشت کاروں کو زبردست معاشی نقصان پہنچایا ہے اگر حکومتی اداروں کا نرخوں کے معاملے پر کوئی کنٹرول ہوتا توتاجروں کو اس طرح کی من مانیاں کرنے کا موقع نہ ملتا کاشت کاروں نے وفاقی اور سندھ حکومت سے مطالبہ کیا ہے کہ پنگریو اور اندرون سندھ کے دیگر علاقوں میں پھٹی کے نرخوں میں اچانک زبردست کمی کرنے کے معاملے کا نوٹس لیا جائے اور آئیندہ اس طرح کی من مانیاں کرنے سے تاجروں کو سختی سے روکا جائے بصورت دیگر کاشت کار احتجاجی تحریک چلانے پر مجبور ہو جائیں گے
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.