بان کی مون کی سعودی فرمانروا شاہ عبدللہ سے ملاقات،غزہ میں جنگ روکنے پر تبادلہ خیال

جمعرات 24 جولائی 2014 17:16

ریاض (اُردو پوائنٹ اخبار تازہ ترین۔24جولائی۔2014ء) اقوام متحدہ کے سیکرٹری جنرل بان کی مون نے عالمی ادارے کے ایک اعلی اختیاراتی وفد کے ہمراہ جدہ میں خادم الحرمین الشریفین شاہ عبداللہ بن عبدالعزیزسے شاہی محل میں ان سے ملاقات کی۔ ملاقات میں عالمی اور علاقائی مسائل بالخصوص فلسطینی شہر غزہ کی پٹی میں جاری کشیدگی پر تفصیل سے تبادلہ خیال کیا گیا۔

(جاری ہے)

میڈیارپورٹس کے مطابق بان کی مون سعودی عرب کے ایک روزہ دورے پر جدہ پہنچے جہاں شاہ عبدالعزیز بین الاقوامی ہوائے اڈے پر امریکا میں سعودی عرب کے سفیر عادل بن احمد الجبیر،اقوام متحدہ میں سعودی عرب کے خصوصی مندوب یحی بن عبداللہ المعلمی اور سعودی عرب کے سیکرٹری خارجہ برائے شاہی امور عزام القین نے ان کا استقبال کیا۔قبل ازیں اقوام متحدہ کے جنرل سیکرٹری بان کی مون نے مصر کے دورے کے دوران غزہ کی پٹی میں جنگ بندی سے متعلق امور پر مصری حکام سے بھی بات چیت کی۔ یو این سیکرٹری جنرل ان دنوں عرب ممالک کے دورے پر ہیں، جہاں وہ فلسطینی شہر غزہ کی پٹی میں اسرائیلی فوج اور فلسطینی مزاحمت کاروں کے درمیان جاری لڑائی روکنے کے لیے کوششیں کر رہے ہیں۔

Facebook Twitter Google + Share on Whatsapp

بان کی مون کی سعودی فرمانروا شاہ عبدللہ سے ملاقات،غزہ میں جنگ روکنے پر تبادلہ خیال

متعلقہ عنوان :

مزید بین الاقوامی خبریں