ملک حالت جنگ میں ہے فوج دہشتگردوں کی سرکوبی میں مصروف ہے عمران خان قوم کو تقسیم کر رہے ہیں سعد رفیق
بدھ 23 جولائی 2014 18:59
اسلام آباد(اُردو پوائنٹ اخبار تازہ ترین۔23جولائی۔2014ء) وفاقی وزیر ریلوے خواجہ سعد رفیق نے کہا ہے کہ ملک حالت جنگ میں ہے اور فوج دہشتگردوں کی سرکوبی میں مصروف ہے عمران خان قوم کو تقسیم کر رہے ہیں۔میڈیا سے بات چیت کرتے ہوئے خواجہ سعد رفیق نے کہاکہ عمران خان کو مشورہ ہے کہ وہ آپریشن ضرب عضب پر قوم کو منقسم نہ کریں، یہ وقت متاثرین کے زخموں پر نمک پاشی کے بجائے ان کی دل جوئی کا ہے، کٹھن حالات میں عمران خان کس قسم کی سیاست کر رہے ہیں۔
انہوں نے کہا کہ عمران خان ازبک اور چیچن جنگجوووٴں سے مذاکرات کی بات کرتے ہیں تاہم حکومت سے مذاکرات نہیں کرتے، حکومت کسی بھی مظاہرے کو روکنے کے لئے طاقت کے بجائے دانش سے کام لے گی تاہم پھر بھی پی ٹی آئی فوری طور پر فسادی مارچ ترک کرے۔(جاری ہے)
خواجہ سعد رفیق نے کہا کہ عمران خان کو وزیراعظم نواز شریف کے عمرہ پر بھی اعتراض ہے اور اس حوالے سے پروپیگنڈا کر رہے ہیں،سیاسی تنقید کے دوران انہیں حد سے نہیں گزرنا چاہیے۔
انہوں نے کہا کہ حکومت کی جانب سے یوم آزادی کے حوالے سے منعقد کی جانے والی تقریبات کا اعلان (آج) جمعرات کو کیا جائے گا۔خواجہ سعد رفیق نے کہاکہ حکومت کسی بھی مظاہرے کو روکنے کے لئے طاقت کی بجائے دانش استعمال کریگی ۔انہوں نے کہا کہ پاکستان میں دہشت گردوں کے خلاف جنگ لڑی جارہی ہے، عمران خان ان حالات میں لانگ مارچ کا اعلان واپس لیں۔ خواجہ سعد رفیق نے کہا کہ چودہ اگست کو سب کو متحد ہونے کا مظاہرہ کرنا چاہئے، عمران خان فساد پھیلانے کا ایجنڈا ترک کر دیں اور وزیر اعظم اور دوسری جماعتوں کے ساتھ یوم آزادی کی تقریب میں شریک ہوں۔ ایک سوا ل کے جواب میں وزیر ریلوے نے کہاکہ حکومت کسی کو طاقت کے ذریعے نہیں روکنا چاہتی ،ایک سال بعد عمران خان کو دھاندلی یاد آ گئی ،وہ وزیراعظم بننے میں ناکامی کا غصہ نکال رہے ہیں ، یہ وقت متاثرین شمالی وزیرستان کی دل جوئی کا ہے ، ان کے زخموں پر نمک چھڑکنے کا نہیں ۔مزید اہم خبریں
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.