بھارتی فوج کی شکرگڑھ سیکٹر بلا اشتعال سے ایک اور پاکستانی شہری شہید

بدھ 23 جولائی 2014 15:33

بھارتی فوج کی شکرگڑھ سیکٹر بلا اشتعال سے ایک اور پاکستانی شہری شہید

شکر گڑھ(اُردو پوائنٹ تازہ ترین اخبار۔23جولائی 2014ء) بھارت کی سرحدی فورس نے ایک بار کنٹرول لائن پر سیز فائر کی خلاف ورزی کرتے ہوئے بلا اشتعال فائرنگ کرکے ایک اور پاکستانی شہری کو شہید کر دیا۔ بھارت کی سرحدی سیکیورٹی فورس نے لائن آف کنٹرول پر شکر گڑھ سیکٹر میں بلا اشتعال فائرنگ کر کے ایک پاکستانی شہری کو شہید کردیا۔

(جاری ہے)

پاکستانی حکام کا کہنا ہے کہ افتخار نامی شخص جس کا ذہنی توازن ٹھیک نہیں تھا غلطی سے سرحد عبور کر گیا جس پر بھارتی فوجیوں نے اندھا دھند فائرنگ کردی جس کے نتیجے میں افتخار کو 4 گولیاں سینے میں لگیں، بھارتی فوجی پاکستانی شہری کو زخمی حالت میں گرفتار کر کے اپنے ساتھ لے گئے جہاں اس کی موت واقع ہو گئی اور پھر بھارتی حکام نے پوسٹ مارٹم کے بعد لاش پاکستان رینجرز کے حوالے کر دی۔

واضح رہے کہ 2 روز قبل بھی بھارت کی جانب سے سیالکوٹ میں چارواہ اور معراج کے سیکٹر میں فائرنگ کر کے ایک پاکستانی شہری کو جاں بحق جب کہ 2 خواتین سمیت 3 افراد کو زخمی کر دیا تھا۔

متعلقہ عنوان :