مظفرآباد‘گھن چھتر طالبعلم قتل واقعہ بااثر شخصیات کی پشت پناہی‘ پولیس نے مقدمہ درج کرنے سے انکار کر دیا
بدھ 23 جولائی 2014 12:48
مظفرآباد(اُردو پوائنٹ اخبار تازہ ترین۔23جولائی۔2014ء) گھن چھتر طالبعلم قتل واقعہ بااثر شخصیات کی پشت پناہی پولیس نے مقدمہ درج کرنے سے انکار کر دیا آئی جی پولیس اور ایس ایس پی مظفرآباد کے احکامات کے باوجود ایک ہفتہ سے زائد کا عرصہ گزر جانے کے بعد بھی ملزمان دندناتے پھر رہے ہیں کوئی کاروائی نہ ہو سکی سٹی تھانہ مظفرآباد کے دو ایس ایچ او بھی تبدیل کر دیئے گئے ہیں اعلیٰ حکام سے انصاف دلوانے کی اپیل ان خیالات کا اظہار گھن چھتر کے رہائشی اور عامر مرحوم کے ضعیف العمروالد حاجی خانی زمان نے سینٹرل پریس کلب میں صحافیوں کو اپنی داستان سناتے ہوئے کیا ان کا کہنا تھا کہ عامر سیکنڈ ائیر کا طالبعلم تھا رنجاٹہ میں بھائی کے پاس رہتا تھا سگے بھانجوں نے میرے بیٹے کو گھن چھتر بلایا اور گولی مار کر قتل کر دیا لاش انکے گھر کے برآمدے میں پڑی ہوئی تھی جسے آئی جی پولیس کے چپڑاسی نے دیکھا اور سی ایم ایچ منتقل کروایا گیا لاش کا پوسٹ مارٹم کیا گیا لیکن ایک ہفتہ سے زائد کا عرصہ گزر جانے کے باوجود مقدمہ درج نہیں کیا جا رہا انہوں نے کہا کہ آئی جی پولیس سے ملاقات کی اور تحت ضابطہ کاروائی کے احکامات جاری ہوئے ایس ایس پی نے بھی سٹی تھانہ کے ایس ایچ او کو ہدایات دیں لیکن ابھی تک اس معاملہ کا مقدمہ درج نہیں کیا جا رہا حلقہ کی بااثر اور حکومت میں موجود سیاسی قیادت وزیر بازل نقوی اس معاملہ کو دبانے کیلئے کوششیں کر رہے ہیں انہوں نے کہا کہ تنویر ، جہانگیر ، یاسر ، صابر اسحاق اور دیگر نے مل کر میرے بیٹے کا قتل کیا ہے لیکن پولیس سیاسی دباؤ کے بعد مقدمہ درج کرنے سے انکار کر رہی ہے دربدر کی ٹھوکریں کھا رہا ہوں کوئی شنوائی نہیں ہو رہی انہوں نے کہا کہ وزیراعظم آزادکشمیر چوہدری عبدالمجید ، چیف جسٹس عدالت العالیہ جسٹس مصطفیٰ مغل، چیف سیکرٹری آزادکشمیر اور آئی جی پولیس سے اپیل ہے کہ اس معاملہ کا فوری طور پر نوٹس لیتے ہوئے انصاف دلوانے کیلئے کردار ادا کریں قاتلوں کو کیفرکردار تک پہنچایا جائے اور جو پولیس اہلکار اس معاملہ پر جان بوجھ کر گھناؤنا کردار ادا کر رہے ہیں انکے خلاف بھی سخت کاروائی کی جائے-
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.