ساہیوال ‘ کوئلے سے چلنے والے پلانٹ کی قادرآباد کے نزدیک تعمیر ‘ 1320میگا واٹ بجلی پیدا ہوگی
منگل 22 جولائی 2014 14:09
ساہیوال(اُردو پوائنٹ اخبار تازہ ترین۔22جولائی۔2014ء) ساہیوال کا کوئلے سے بجلی پیدا کرنے والا (کول پاور پلانٹ) پلانٹ کی قادرآباد کے نزدیک چک نمبر 76/6-آر میں تعمیر کیا جارہا ہے، اور توقع ہے کہ اس سے 1320 میگاواٹ بجلی پیدا ہوگی جو بجلی کے بحران سے نمٹنے میں مدد دے گی نجی ٹی وی کی رپورٹ کے مطابق پاور پلانٹ کی سائٹ پر تعمیراتی کام کی شروعات سے قبل 9302 کی تعداد میں پھلوں اور جنگلی درختوں کو کاٹنا ہوگا، آبپاشی کیلئے استعمال کیے جانے والے چھتیس ٹیوب ویلز اور تین واٹر چینلز ختم ہوجائیں گے اس کے ساتھ ساتھ گندم، مکئی اور کپاس کی کھڑی فصلوں کے ساتھ 783 ایکڑز کی زمین کو ہموار کردیا جائے گا۔
اتنی بڑی تعداد میں درختوں کی کٹائی کے نتیجے میں لاتعداد پرندے اپنے مسکن سے محروم ہوجائیں گے۔(جاری ہے)
لوئر باری دو آب کینال کے دائیں کنارے پر موجود یہ زمین مختلف نجی مالکان سے زمین کی تحصیل کے ایک 1894ء کے تحت توانائی کے صوبائی محکمے کی طرف سے حاصل کی جارہی ہے۔ زمین کی قیمت ڈسٹرکٹ کلکٹر کی سربراہی میں ڈسٹرکٹ پرائس اسسمنٹ کمیٹی (ڈی پی اے سی) نے 372 مالکان کی رضامندی سے مقرر کی تھی۔
اس کے علاوہ زمین کی اس قیمت کے ساتھ مالکان اور ڈی پی اے سی کے درمیان اس بات پر بھی اتفاق کیا گیا تھا کہ محکمہ زمین کو اپنے قبضے میں لینے سے پہلے کسانوں کو ان کی کھڑی فصل، جنگل یا جنگلی درخت، پھلوں کے درخت، نالوں، ٹیوب ویلوں کے لیے بھی ادائیگی کر گا۔ڈاکٹر خالد جاویدکل 2001 ایکڑ کی زمین میں سے نو ایکڑ کے مالک ہیں، جسے یہ محکمہ 18.6 ملین روپے کے بدلے میں حاصل کررہا ہے۔ان نو ایکڑ کی زمین کی نگرانی ڈاکٹر خالد کے بھائی نوید کرتے ہیں، انہوں نے بتایا کہ اس زمین پر آم کے 150 درخت، پانچ جامن کے، 49 سفیدے کے اور 550 امرود کے پودوں کو کاٹ دیا جائے گا۔انہوں نے بتایا کہ میں نے اوکاڑہ میں مقیم ایک ٹھیکے دار کو کٹائی کا ٹھیکہ دیا ہے۔نجی ٹی وی کے مطابق ڈاکٹر خالد کی زمین پر سرسبز درختوں کو بیس مزدور بے رحمی سے کاٹ کر نیچے گرا رہے تھے۔ٹھیکے دار کے منشی جو کل 754 درختوں کی کٹائی میں مصروف مزدوروں کی نگرانی کررہے تھے، ان کو امید تھی کہ ان کے مزدور اس پوری سرسبز چھتری کو دو ہفتے کے اندر اندر صاف کردیں گے۔اکتیس جنوری 2014ء کو شایع ہونے والی ڈی پی اے سی کی سفارشی رپورٹ میں دیے گئے تخمینے کے مطابق ہر زمین مالک کو ایک پھلدار درخت کے چار ہزار چون روپے، فی جنگلی درخت کے ایک ہزار ایک سو اٹھارہ روپے، فی ٹیوب ویل ایک لاکھ اکیاسی ہزار تین سو پچاس روپے، فی ایکڑ کھڑی فصل کے ستاون ہزار چار سو بانوے روپے اور زمین کی آبپاشی کے لیے بنائے گئے پانی کے فی چینلز کے 75 ہزار 449 روپے ادا کیے جائیں گے۔ڈسٹرکٹ کلکٹر ڈاکٹر ساجد محمود کا کہنا ہے کہ یہ رقم حاصل کرلی گئی تھی اور ضلعی حکومت اور 372 نجی مالکان کے درمیان اس بات پر اتفاق تھا۔ڈپٹی کلکٹر نے کہاکہ یہ اصولی فیصلہ کیا گیا تھا کہ ضلعی حکومت معیار کو پیش نظر رکھتے ہوئے زمین کے ہر ٹکریکی حقیقی قیمت کے ساتھ درختوں، فصلوں ‘ٹیوب ویلوں اور پانی کے چینلز کے لیے اضافی رقم ادا کرے گی۔اسلام آباد میں مقیم ماحولیات پر عوامی پالیسی کے ماہر جواد چشتی کے مطابق کوئلے سے بجلی پیدا کرنے والا یہ پلانٹ سبز تحفظ کو نقصان پہنچائے گا جو اس علاقے میں موجود درختوں، جھاڑیوں، فصلوں اور پھلدار پودوں سے قدرتی طور پر میسر ہے اس کے علاوہ پرندے اپنے محفوظ مسکن سے بھی محروم ہوجائیں گے۔مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.