آئی ایم ایف نے پاکستان کو قرضے کی اگلی قسط جاری کرنے کیلئے نیپرابورڈمیں خالی اسامیاں پْر کرنے سمیت 4نئی شرائط عائد کردیں، یو بی ایل، پی پی ایل کے حکومتی شیئرز کی سٹاک مارکیٹ کے ذریعے نجکاری آئی ایم ایف کی شرط پوری کرنے کیلئے کی گئی‘رپورٹ

اتوار 13 جولائی 2014 20:08

اسلام آباد(اُردو پوائنٹ اخبار تازہ ترین۔13جولائی۔2014ء) عالمی مالیاتی فنڈ (آئی ایم ایف)نے ایکسٹنڈڈ فنڈ فیسیلٹی پروگرام کے تحت پاکستان کو قرضے کی اگلی قسط جاری کرنے کیلئے نیپرابورڈمیں خالی اسامیاں پْر کرنے سمیت 4نئی شرائط عائد کردی ہیں ،جبکہ یہ بھی انکشاف ہواہے کہ یو بی ایل اور پی پی ایل کے حکومتی شیئرز کی اسٹاک مارکیٹ کے ذریعے نجکاری بھی آئی ایم ایف کی شرط پوری کرنے کیلئے کی گئی ہیں۔

میڈیا رپورٹس کے مطابق آئی ایم ایف نے پاکستان کیلیے مزید 4 اسٹرکچرل بینچ مارکس (شرائط) عائدکی ہیں جن میں کہا گیاکہ پاکستان کو اسٹیٹ بینک کے انٹرنل آپریشنز کو بہتر بنانا ہوگا، ایڈوائزری مانیٹری پالیسی کمیٹی کی ازسر نو تشکیل کرنا ہوگی اسکے علاوہ اسٹیٹ بینک کی رسک مینجمنٹ سے متعلقہ سرگرمیوں کی مانیٹرنگ اور انکی سنٹرلائزیشن کیلیے بورڈ کمیٹی قائم کرناہوگی۔

(جاری ہے)

دوسری شرط یہ عائد کی گئی ہے کہ نیپرابورڈ کے ممبران کی خالی اسامیاں پْرکرنا ہونگی اور بورڈ کو مکمل کرنا ہوگا۔علاوہ ازیں تیسری نئی شرط یہ عائد کی گئی ہے کہ یو بی ایل اورپی پی ایل کے حکومتی شیئرزکی مقامی و بین الاقوامی سرمایہ کاروں کیلیے اسٹاک مارکیٹ کے ذریعے فروخت کرنا ہوگی اور یہ شرط گذشتہ ماہ (جون) کے آخر تک پوری کرنا تھی جو کہ حکومت نے یو بی ایل اور پی پی ایل کے شیئرز کی اسٹاک مارکیٹ کے ذریعئے فروخت کے تحت پوری کردی اسکے علاوہ نیپرا بورڈ کی خالی اسامیاں پْر کرنیکی شرط بھی جون کے آخر تک پوری کرنا تھی تاہم یہ شرط ابھی تک پوری نہیں ہوسکی۔ چوتھی نئی شرط یہ ہے کہ ڈیبٹ مینجمنٹ آفس میں پبلک ڈیبٹ مینجمنٹ کی ذمہ داریوں کو یکجا کیا جائے

Facebook Twitter Google + Share on Whatsapp

متعلقہ عنوان :

مزید اہم خبریں