حکومتی دھمکیوں سے مرعوب نہیں ہونگے، لانگ مارچ ہر صورت ہوگا، تحریک انصاف

ہفتہ 12 جولائی 2014 13:08

لاہور(اُردو پوائنٹ تازہ ترین اخبار۔12جولائی 2014ء) تحریک انصاف کی مرکزی ترجمان شیریں مزاری نے کہا ہے کہ چودہ اگست کو لانگ مارچ ہر صورت ہوگا ، حکومتی دھمکیوں سے مرعوب نہیں ہونگے۔

(جاری ہے)

لاہور میں گفتگو کرتے ہوئے شیریں مزاری کا کہنا تھا کہ حکومت کے اوچھے ہتھکنڈے ہمارے ارادے متزلزل نہیں کر سکتے ، لانگ مارچ کیلئے کسی کی اجازت نہیں لیں گے ، پرامن احتجاج ہمارا جمہوری حق ہے ۔ ان کا کہنا تھا کہ ہم جمہوریت کو مضبوط کرنے کیلئے نکل رہے ہیں ، عمران خان کی نظر بندی سے متعلق حکومتی بیان دھمکی ہے ، امید ہے حکومت اس حد تک نہیں جائے گی ، شیرں مزاری نے کہا کہ لانگ مارچ میں رکاوٹ پیدا کی گئی تو حالات کی ذمہ دار حکومت ہوگی۔