Live Updates

الیکشن کمیشن کا ارسلان افتخار کو عمران خان کے کا غذات کی نقول فراہم کرنے کا فیصلہ

منگل 8 جولائی 2014 12:44

الیکشن کمیشن کا ارسلان افتخار کو عمران خان کے کا غذات کی نقول فراہم ..

اسلام آباد(اُردو پوائنٹ تازہ ترین اخبار۔8جولائی 2014ء) الیکشن کمیشن نے سابق چیف جسٹس افتخار محمد چوہدری کے صاحبزادے ارسلان افتخار کو عمران خان کے کاغذات کی نقول فراہم کرنے کا فیصلہ کر لیا ہے۔ الیکشن کمیشن نے ارسلان افتخار کو عمران خان کے کا غذات کی نقول فراہم کرنے کا فیصلہ کر لیا ہے۔ ذرائع کا کہنا ہے کہ الیکشن کمیشن کی جانب سے ارسلان افتخار کو 2روز کے اندر عمران خان کے کاغذات کی نقول فراہم کر دے گا۔

(جاری ہے)

واضح رہے کہ گزشتہ روز ارسلان افتخار نے سیکرٹری الیکشن کمیشن اشتیاق احمد خان سے ملاقات کر کے پاکستان تحریک انصاف کے چیرمین عمران خان کی جانب سے جمع کرائے کاغذات کی تفصیلات حاصل کرنے کے لئے درخواست جمع کرائی تھی۔ ارسلان افتخار کا کہنا تھا کہ الیکشن کمیشن میں تحریک انصاف کے چیرمین کی جانب سے جمع کرائی گئی دستاویزات کے مطابق انہوں نے آئین کے آرٹیکل 62، 63 کی خلاف ورزی کی، عمران خان نےکاغذات نامزدگی میں اپنے 2 بچوں سلیمان اور قاسم کا ذکر کیا لیکن ایک بچی ٹرین جیٹ خان کے بارے میں نہیں بتایا اور اسی قسم کی کئی غلط بیانیوں کے حوالے سے دستاویزات موجود ہیں جسے سامنے رکھتے ہوئے پی ٹی آئی کے سربراہ کے خلاف ریفرنس دائر کروں گا۔

Live عمران خان سے متعلق تازہ ترین معلومات