جموں کشمیر بھارت کا اٹوٹ انگ نہیں بلکہ متنازعہ علاقہ ہے، دفتر خارجہ
جمعرات 3 جولائی 2014 13:13
اسلام آباد(اُردو پوائنٹ تازہ ترین اخبار۔3جولائی 2014ء) پاکستان نے ایک مرتبہ پھر واضح کیا ہے کہ جموں کشمیر بھارت کا اٹوٹ انگ نہیں بلکہ متنازیہ علاقہ ہے ، بھارتی وزیراعظم نریندر مودی کے دورہ جموں کشمیر سے پاکستان کا موقف تبدیل نہیں ہوگا۔ ترجمان دفتر خارجہ تسنیم اسلم نے میڈیا کو ہفتہ وار بریفنگ دیتے ہوئے بتایا کہ بھارتی فوج کی جانب سے گزشتہ رات ایل او سی پر شیلنگ کی گئی جس کے نتیجے میں ایک فوجی زخمی ہوا جبکہ مسئلہ کے حل کے لئے مقامی کمانڈرز کا اجلاس بلالیا گیا ہے۔
انہوں نے کہا کہ بھارتی وزیراعظم نریندر مودی کے دورہ جموں کشمیر سے پاکستان کا موقف تبدیل نہیں ہوگا اور اب بھی اسے متنازعہ علاقہ سمجھتے ہیں۔ انہوں نے کہا کہ بھارت کی جانب سے فراہم کردہ فہرست سے زیادہ پاکستانی بھارتی جیلوں میں قید ہیں جبکہ کئی قیدی اپنی سزا پوری کرنے کے باوجود پابند سلاسل ہیں، بھارتی جیلوں میں اب بھی 264 سویلین اور 116 ماہی گیر قید ہیں۔(جاری ہے)
ترجمان دفتر خارجہ کا کہنا تھا کہ افغانستان کی جانب سے پاکستان پر لگائے گئے الزامات بے بنیاد ہیں اور اس حوالے سے افغان حکومت نے کبھی ثبوت فراہم نہیں کئے جبکہ تحریک طالبان پاکستان کا امیر مولوی فضل اللہ پاکستان کے خلاف باہر بیٹھ کر کارروائیاں کر رہا ہے۔ ترجمان کا مزید کہنا تھا کہ امریکا کی طرف سے پاکستانی سیاسی جماعت کی جاسوسی عالمی قوانین کی خلاف ورزی ہے تاہم اس حوالے سے مزید معلومات نہیں لیکن جاسوسی کا معاملہ امریکا کے ساتھ اٹھایا ہے۔
عراق میں جاری حالیہ بحران کے حوالے سے دفتر خارجہ کا کہنا تھا کہ عراق اور شام کی صورتحال پر تشویش ہے جبکہ عراق میں تمام پاکستانی محفوظ ہیں اور شورش زدہ شہر تکریت سے کئی پاکستانیوں کو محفوظ جگہ منتقل کیا جاچکا ہے۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.