وزیراعظم کا آرمی چیف کے ہمراہ پشاورکور ہیڈ کوارٹر کا دورہ، آپریشن پر بریفنگ

جمعہ 20 جون 2014 17:48

پشاور(اُردو پوائنٹ تازہ ترین اخبار۔ 20جون 2014ء) وزیراعظم نواز شریف نے آرمی چیف جنرل راحیل شریف کے ہمراہ پشاور کور ہیڈ کوارٹر کا دورہ کیا جہاں انہیں شمالی وزیرستان میں جاری آپریشن ضرب عضب سے متعلق تفصیلی بریفنگ دی گئی۔

(جاری ہے)

وزیراعظم نواز شریف نے چیف آف آرمی اسٹاف جنرل راحیل شریف کے ہمراہ پشاور کور ہیڈکوارٹر کا دورہ کیا جہاں کور کمانڈر پشاور لیفٹیننٹ جنرل خالد ربانی نے ان کا استقبال کیا اور شمالی وزیرستان میں جاری آپریشن ضرب عضب کے تمام امور اور حکمت عملی پر تفصیلی بریفنگ دی جب کہ آپریشن کے باعث نقل مکانی کرنے والے قبائلی علاقوں کے متاثرین کی مدد اور بحالی کے حوالے سے بھی آگاہ کیا گیا۔

واضح رہے کہ اتوار سے شمالی وزیرستان میں پاک فوج کی جانب سے دہشت گردوں کے خلاف جاری آپریشن ضرب عضب کامیابی سے جاری ہے اور 5 روز کے دوران پاک فوج نے شمالی وزیرستان کا نہ صرف 40 فیصد سے زائد علاقہ دہشت گردوں کے قبضے سے خالی کرالیا بلکہ اس دوران سیکڑوں شدت پسند ہلاک اوران کے کئی ٹھکانے بھی تباہ کردیئے گئے۔

Facebook Twitter Google + Share on Whatsapp

وزیراعظم کا آرمی چیف کے ہمراہ پشاورکور ہیڈ کوارٹر کا دورہ، آپریشن پر بریفنگ

متعلقہ عنوان :

مزید اہم خبریں