طاہر القادری کو ملک میں آنے سے روکنے پر عالمی قوانین کا اطلاق نہیں ہوتا، دفتر خارجہ
جمعرات 19 جون 2014 16:05
اسلام آباد(اُردو پوائنٹ تازہ ترین اخبار۔ 19جون 2014ء) ترجمان دفتر خارجہ تسنیم اسلم کا کہنا ہے کہ ڈاکٹر طاہر القادری کینیڈین شہریت کے حامل ہونے کے ساتھ ساتھ پاکستانی شہری بھی ہیں اس لئے انہیں ملک میں آنے سے روکنے پر عالمی قوانین کا اطلاق نہیں ہوتا۔ دفتر خارجہ اسلام آباد میں ہفتہ وار پریس بریفنگ افغانستان کو یقین دلایا ہے ہماری سرزمین دہشت گردی کے لئے استعمال نہیں ہوگی اور ہم افغانستان سے بھی یہی توقع رکھتے ہیں، شمالی وزیرستان آپریشن کے سلسلے میں پاکستان نے افغان حکام پر بارڈر مینجمنٹ پر زور دیا ہے جبکہ افغان حکام نے بھی تعاون کی یقین دہانی کرائی ہے۔
انہوں نے کہا کہ قبائلی علاقوں میں ڈرون حملے پاکستان کی رضامندی سے نہیں کئے کئے جا رہے ہیں۔(جاری ہے)
ان حملوں کو شمالی وزیرستان میں جاری کارروائی سے جوڑنا مکمل طور پر گمراہ کن اور غلط ہے۔ ڈرون حملوں پر پاکستان کا موقف واضح ہے کہ یہ حملے عالمی قوانین کی خلاف ورزی ہیں اور اس سلسلے میں امریکا کو اپنے تحفظات سے آگاہ کیا ہے کہ ان حملوں کا پاکستان اور خطے میں امن واستحکام کے قیام کی حکومت کی کوششوں پر بھی منفی اثر پڑتا ہے۔
ترجمان دفتر خارجہ نے کہا کہ عراق میں کوئی پاکستانی باشندہ پھنسا ہوا نہیں وہاں مقیم تمام پاکستانی محفوظ ہیں، عراق میں پاکستانی سفیر کے مطابق دہشت گرد حملوں سے پہلے تمام پاکستانی نکل چکے تھے۔ انہوں نے کہا کہ چین کی مختلف جیلوں میں 281 پاکستانی قیدی موجود ہیں جن میں 90 فیصد قیدیوں کو منشیات کی اسمگلنگ اور غیرقانونی تجارت کے الزامات میں گرفتار کیا گیا یا انہیں سزا دی گئی۔
تسنیم اسلم کا کہنا تھا کہ گزشتہ کچھ برسوں میں پاکستان اور روس کے درمیان دوطرفہ تعلقات میں مثبت پیش رفت ہوئی ہے۔ سرتاج عزیز ایک کانفرنس میں شرکت کے لئے روس جا رہے ہیں جہاں وہ روسی ہم منصب سے ملاقات اور دوطرفہ تعلقات کی موجودہ نوعیت پر بات چیت کے علاوہ باہمی تعلقات کو مزید فروغ دینے کے طریقوں پر بھی تبادلہ خیال کریں گے۔
متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.