مظفر گڑھ: گیس پائپ کی ویلڈنگ کے دوران کرنٹ لگنے سے 7 مزدور جاں بحق

ہفتہ 14 جون 2014 23:44

مظفر گڑھ: گیس پائپ کی ویلڈنگ کے دوران کرنٹ لگنے سے 7 مزدور جاں بحق

مظفر گڑھ(اُردو پوائنٹ اخبار تازہ ترین۔14جون۔2014ء) مظفر گڑھ کی ترکش کالونی میں گیس پائپ کی ویلڈنگ کے دوران کرنٹ لگنے سے سات مزدور جاں بحق ہو گئے۔ ترک عوام کی امداد سے سیلاب سے متاثرہ افراد کے لیے بنائی گئی ترکش کالونی میں گیس پائپ لائن بچھائی جا رہی تھی۔ ویلڈنگ کے دوران کرنٹ لگنے سے سات مزدور موقع پر ہی جاں بحق ہو گئے۔

(جاری ہے)

لاشوں کو ریسکیو اہلکاروں نے ڈی ایچ کیو اسپتال منتقل کر دیا۔

لاشوں کی شناخت عدنان، جاوید ، علی ، لیاقت ، یاسین ، شہزاد اور ارشد کے نام سے ہوئی ہے۔ تمام افراد کا تعلق اوکاڑہ سے ہے۔ ذرائع کے مطابق وزیر اعلی پنجاب میاں شہباز شریف کی 21 جون کو آمد کے سلسلے میں ہنگامی بنیادوں پر کام کیا جا رہا تھا۔ مزدورں نے کام کے دوران سیفٹی آلات بھی نہیں پہنانے ہوئے تھے۔

متعلقہ عنوان :