ایکسپریس منی کی طرف سے ٹیلی نار کے اشتراک سے کسٹمرز کے لئے ہرڈور ڈیلیوری ٹرانزیکشن پر اضافی 200روپے جیتنے کا موقع فراہم

کراچی(اُردو پوائنٹ اخبار تازہ ترین۔10جون۔2014ء)دنیا کے سب سے قابل اعتماد منی ٹرانسفر نیٹ ورک ایکسپریس منی نے ٹیلی نار کے اشتراک سے پاکستان میں اپنے کسٹمرز کے لئے ہرڈور ڈیلیوری ٹرانزیکشن پر اضافی 200روپے جیتنے کا موقع فراہم کیا ہے۔یہ پروموشن 10جون سے شروع ہوئی ہے اور ملک بھر کے 34شہروں میں دو ماہ تک جاری رہے گی۔یہ آفر حاصل کرنے کے لئے رقم بھیجنے والے کو پاکستان میں بینفشری کے لئے ڈور ڈیلیوری سروس کا انتخاب کرنا ہو گا۔

یہ آفر 35000روپے یومیہ یا ایک ماہ میں کسی بینیفشری کے لئے تین ٹرانزیکشنز تک موٴثر ہے۔ایکسپریس منی کے صارفین کی ڈور ڈیلیوری سروس کے استعمال پر حوصلہ افزائی کرتے ہوئے ایکسپریس منی افغانستان اور پاکستان کے کنٹری منیجر جناب رضوان علی ہمدانی نے کہا، ”ڈور ڈیلیوری سروس سے بینیفشری کو اسکے دروازے پر محفوظ اور کسی جھنجھٹ سے پاک رقم دستیاب ہو سکتی ہیں۔

(جاری ہے)

اپنی تمام سہولیات کے ساتھ یہ پیشکش ملک میں رقوم کی منتقلی کے جائز اور قانونی طریقے کے فرو غ کی جانب ایک اہم قدم بھی ہے۔ہم رقوم بھیجنے والے تمام صارفین کی حوصلہ افزائی کرتے ہیں کہ وہ اس جائز طریقے سے رقوم بھیج کر ہماری 200روپے کی پیشکش سے فائدہ اٹھائیں جو ہم نے اپنے تمام کسٹمرز کے لئے شروع کی ہے۔“یہ آفر پاکستان کے ان 34 شہروں میں دستیاب ہے۔گجر خان، اسلام آباد، جہلم، میر پور، راولپنڈی، روات، گجرات، بارہ کہو، بوریوالہ، قائد آباد، جھنگ، فیصل آباد، پشاور، بونیر، خوازہ خیلہ، مردان، نوشہرہ، لاہور، مینگورہ، صوابی، ٹوپی، گجرانوالہ، ڈسکہ ، سمبڑیال، نارووال، سیالکوٹ، ٹوبہ ٹیک سنگھ، پیر محل، بھکر، سرگودھا، ملتان، ڈیرہ غازی خان، ظاہر پیر، اور کوٹ ادو۔