حکومت کی وجہ سے اداروں میں تصادم ہو رہا ہے، خورشید شاہ
منگل 10 جون 2014 16:25
اسلام آباد(اُردو پوائنٹ تازہ ترین اخبار۔ 10جون 2014ء) قومی اسمبلی میں قائد حذب اختلاف، خورشید شاہ نے کہا ہے کہ حکومت کے وقت پر فیصلہ نہ کرنے سے اداروں میں ٹکراؤ ہورہا ہے، خورشید شاہ نے حکومت کی نجکاری پالیسی پر تنقید کرتے ہوئے کہا کہ اگر پانچ منافع بخش ادارے بیچے گئے تو سیسہ پلائی دیوار بن جائیں گے، انہوں نے بجٹ کوسیاسی دستاویز قرار دے دیا۔
قومی اسمبلی میں بجٹ بحث کے دوران خطاب کرتے ہوئے، قائد حزب اختلاف خورشید شاہ کا کہنا تھا پیپلز پارٹی کی حکومت نے اپنی پالیسیوں سے اداروں اور مشرف کو الگ کیا تھا، موجودہ حکومت نے دوبارہ ان کو ایک کر دیا ہے، حکومت کے وقت پر فیصلہ نہ کرنے سے اداروں میں ٹکراؤ ہورہا ہے، جو انتہائی خطرناک ہے۔
خورشید شاہ نے حکومت کی نجکاری پالیسی کو آڑھے ہاتھوں لیتے ہوئے کہا کہ غریبوں کے ادارے امیروں کے ہاتھوں بیچے جارہے ہیں، انھیں ادارے بیچے جارہے ہیں جنھیں قارون کی طرح اپنے خزانے بھی کم لگتے ہیں، اپنے بجٹ کا بڑا حصہ سیکیورٹی فورسز پر خرچ کرتے ہیں، اللہ کرے کہ وہ پاکستان کی حفاظت کیلئے تیار رہیں، بجٹ معاشی نہیں سیاسی دستاویز ہے۔
(جاری ہے)
انہوں نے کہا کہ مسلم لیگ نون کا قرضے لینے کا خوف ختم ہوچکا ہے، آج تک کسی نے اتنا بڑا کشکول نہیں بنایا جتنا انھوں نے اٹھا رکھا ہے ۔ پیپلز پارٹی نے اپنے دور میں تنخواہوں میں ایک سو پچیس فیصد تک اضافہ کیا لیکن عوام نے کیا کیا؟ آج جلسے جلوسوں کو جمہوریت کے خلاف سازش کہا جارہا ہے، جب بجلی بحران پر دفاتر اور ٹرینیں جلائی گئیں تو کیا وہ جمہوریت تھی، وہ ٹینٹ اور پنکھے کہاں گئے؟ کیا بجلی آگئی ہے، آج کہا جارہا ہے کہ شیر آگیا ہے گیدڑوں اندر بیٹھو۔
سابق چیف جسٹس کو تنقید کا نشانہ بناتے ہوئے قائد حذب اختلاف نے کہا کہ افتخار چوہدری سے بہت ڈرتے تھے، وہ ہمارے دو وزرائے اعظم کھا گئے، بجلی بحران ختم کرنے کے بجائے چور چور کھیلنے پر لگا دیا گیا ہے۔
متعلقہ عنوان :
مزید اہم خبریں
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
6 ماہ سے غزہ کے فلسطینیوں پرمظالم دیکھ کرشدید غصہ اور مایوسی ہے،۔ ملالہ
-
گجرات میں ہسپتال کی چھت گرنے پر وزیراعلیٰ کا سخت ایکشن
-
ایران کے صدر کا دورہ پاکستان بہت بڑی پیشرفت تھی،خواجہ آصف
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.