مقتول عورت کے شوہر کا پہلی بیوی قتل کرنیکا انکشاف
جمعرات 29 مئی 2014 23:56
لاہور(اُردو پوائنٹ اخبار تازہ ترین۔29مئی۔2014ء) لاہور ہائی کورٹ کے باہر اینٹیں مار کر ہلاک کی گئی حاملہ خاتون کے شوہر نے حیرت انگیز انکشاف کرتے ہوئے بتایا ہے کہ اس نے اپنی پہلی بیوی کو خود قتل کیا تھا۔فرزانہ پروین کو پسند کی شادی کرنے پر منگل کو ہائی کورٹ کے باہر ان کے والد اور بھائی سمیت دو درجن سے زائد حملہ آوروں نے اینٹیں مار کر ہلاک کردیا تھا۔
دن دیہاڑے ملک کے دوسرے سب سے بڑے شہر اور صوبائی دارالحکومت میں اس وحشیانہ قتل کی پاکستان سمیت دنیا بھر میں شدید مذمت کی گئی تھی۔اور اب پروین کے 45 سالہ شوہر محمد اقبال نے اپنی پہلی بیوی کو قتل کرنے کا انکشاف کیا ہے۔'میں فرزانہ کی محبت میں مبتلا ہو گیا تھا اور اسی محبت کی وجہ سے میں نے اپنی پہلی بیوی کو گلا گھنونٹ کر ہلاک کر دیا تھا'۔(جاری ہے)
اقبال نے مزید بتایا کہ میرے بیٹے نے اس حوالے سے پولیس کو اطلاع دی لیکن بعد میں اس کی جانب سے خون بہا کے قانون کے تحت معافی ملنے کے بعد وہ قید کی سزا سے بچ نکلے تھے۔قتل کی واردات کا اقرار کرنے کے بعد انہوں نے اپنا موبائل فون بند کردیا اور مزید کسی کال کا جواب نہیں دیا۔انسانی حقوق کی تنظیموں نے خدشہ ظاہر کیا ہے کہ اسی خون بہا کے قانون کے باعث پروین کے قاتلوں کو بھی معافی مل سکتی ہے۔
پروین کے قتل کی تحقیقات کرنے والے ایک سینئر پولیس افسر ذوالفقار حمید نے بتایا کہ وہ اقبال کے ماضی کے حالات سمیت ایک مکمل تحقیقاتی رپورٹ آج رات حکومت کو جمع کرائیں گے۔حمید نے کہاکہ اقبال ایک بدنام شخص ہے جس نے چھ سال پہلے اپنی پہلی بیوی کا قتل کیا۔ ان کے خلاف مقدمہ بھی درج کیا گیا تھا اور وہ کئی ہفتوں تک مفرور رہے تھے۔
'حمید کو گرفتار کیا گیا تھا لیکن بعد میں اہل خانہ سے ان کے معاملات طے ہو گئے تھے جس کے بعد انہیں چھوڑ دیا گیا'۔صوبہ پنجاب کے ضلع جڑانوالہ سے تعلق رکھنے والے اقبال کے مطابق پروین کے اہلخانہ انے ابتدائی طور پر شادی کی حامی بھر لی تھی لیکن بعد میں وہ اپنی بات مکر گئے کیونکہ وہ جہیز میں بڑی رقم پانا چاہتے تھے۔پاکستان کے آزاد انسانی حقوق کمیشن کے مطابق گزشتہ سال غیرت کے نام ملک بھر میں 869 خواتین کو قتل کیا گیا۔متعلقہ عنوان :
مزید اہم خبریں
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
نواز شریف کو پارٹی صدر بنانے کی تیاریاں،ن لیگ پنجاب کا ہنگامی اجلاس آج طلب
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.