دہشتگردی کا خطرہ، اسلام آباد کو فوج کے حوالے کئے جانے کا امکان، خیبر پختونخوا کے مختلف شہروں میں سیکورٹی ہائی الرٹ
جمعرات 22 مئی 2014 19:20
اسلام آباد(اُردو پوائنٹ اخبار تازہ ترین۔22مئی۔2014ء) شمالی وزیرستان میں فوجی کارروائی کے باعث ملک بھر میں سیکورٹی ہائی الرٹ کر دی گئی ہے۔ اسلام آباد اور راولپنڈی کی سیکیورٹی فوج کو سونپے جانے کا امکان ظاہر کیا جا رہا ہے۔ یہ اقدامات اقدامات شمالی وزیرستان میں فورسز کی کارروائی کے بعد کئے جا رہے ہیں۔ شمای وزیرستان میں دہشتگردوں کیخلاف فورسز کی کارروائی جاری ہے۔
کسی بھی دہشتگردانہ خطرے کے پیش نظر اسلام آباد اور راولپنڈی کی سیکیورٹی پاک فوج کے 10 کور کے حوالے کئے جانے پر غور کیا جا رہا ہے۔ دوسری جانب خیبر پختونخوا کے بارہ حساس اضلاع میں سیکورٹی ہائی الرٹ کر دی گئی ہے۔ ممکنہ دہشتگردی کے خطرات کے پیش نظر تما م اداروں کو چوکس رہنے کے احکامات جاری کر دیئے گئے ہیں۔(جاری ہے)
پشاور سمیت صوبے کے تمام حساس مقامات پر سیکورٹی کے موثر انتظامات کی ہدایت کی گئی ہے تا کہ کسی قسم کا کوئی ناخوشگوار واقعہ رونما نہ ہو سکے۔
پشاور، نوشہرہ، مردان، ایبٹ آباد، کوہاٹ، بنوں اور ڈی آئی خان سمیت تمام حساس اضلاع کے داخلی اور خارجی راستوں پر سیکیورٹی کے اقدامات مزید سخت کر دیئے گئے ہیں۔ اُدھر شمالی وزیرستان میں دوسرے روز بھی سکیورٹی فورسز کی شدت پسندوں کے خلاف کارروائیاں جاری ہیں۔ تمام علاقوں میں گزشتہ روز نافذ ہونے والا کرفیو بھی برقرار ہے۔ سیکیورٹی ذرائع کے مطابق شمالی وزیرستان کے علاقے ماچس میں جمعرات کی صبح سے شدت پسندوں کے ٹھکانوں پر توپ خانوں سے گولہ باری کا سلسلہ جاری ہے۔ گن شپ ہیلی کاپٹروں کے ذریعے بھی مشتبہ ٹھکانوں کو نشانہ بنایا جا رہا ہے۔ تاہم اب تک کسی ہلاکت کی اطلاع نہیں ملی ہے۔ گزشتہ روز سے جاری کارروائی میں 71 دہشت گرد ہلاک جبکہ ایک آفیسر سمیت 4 اہلکار شہید ہوئے ہیں۔متعلقہ عنوان :
مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.