الطاف حسین کے شناختی کارڈ کے اجرا کیلئے ایم کیوایم کا قومی اسمبلی میں احتجاج اور دھرنا
منگل 13 مئی 2014 12:48
اسلام آباد(اُردو پوائنٹ تازہ ترین اخبار۔ 13مئی 2014ء) متحدہ قومی موومنٹ کے ارکان اسمبلی نے الطاف حسین کو قومی شناختی کارڈ جاری نہ کئے جانے کے خلاف قومی اسمبلی میں کارروائی کا واک آؤٹ کرتے ہوئے پارلیمنٹ ہاؤس کے احاطے میں ہی دھرنا دے دیا۔ اسپیکر سردار ایاز صادق کی سربراہی میں قومی اسمبلی کا اجلاس ہوا تو متحد قومی موومنٹ کے پارلیمانی لیڈر عبدالرشید گوڈیل نے نکتہ اعتراض اٹھاتے ہوئے کہا کہ ایم کیو ایم کے قائد الطاف حسین نے پاکستانی پاسپورٹ کے لئے برطانوی ہائی کمشنر سے رابطہ کیا تھا تاہم انہیں کہا گیا کہ پاسپورٹ کے اجرا کے لئے کمپیوٹرائزڈ شناختی کارڈ کا اجرا ضروری ہے اس لئے انہوں نے پہلے شناختی کارڈ کے لئے درخواست جمع کرائی۔
انہوں نے کہا کہ ایک عام آدمی کو بھی ڈیٹا فراہم کئے جانے کے بعد مقررہ مدت میں قومی شناختی کارڈ جاری کردیا جاتا ہے لیکن ایم کیو ایم کے قائد کو اب تک شناختی کارڈ جاری نہیں کیا گیا جو متعصبانہ رویہ ہے، جس کے بعد ایم کیو ایم کے ارکان ایوان سے واک آؤٹ کرگئے۔(جاری ہے)
پختنوخوا ملی عوامی پارٹی کے محمود اچکزئی نے کہا کہ الطاف حسین کراچی ائیرپورٹ سے پاکستانی پاسپورٹ پر بیرون ملک گئے۔
اب ان کو پاسپورٹ نہ دینے کے فیصلے سے وزارت داخلہ اور خارجہ ملک کی جگ ہنسائی کروارہے ہیں۔ جماعت اسلامی کے پارلیمانی لیڈرطارق اللہ اورپی ٹی آئی کے رہنما شاہ محمودقریشی نے بھی الطاف حسین کو پاسپورٹ اورشناختی کارڈ فراہم کرنے کی حمایت کی، پیپلز پارٹی کے نوید قمر نے کہا کہ الطاف حسین کو شناختی کارڈ کے اجرا کا معاملہ انتہائی چھوٹا ہے حکومت اسے بڑا نہ بنائے۔ جس پر مسلم لیگ (ن) کے روحیل اصغر نے کہا کہ الطاف حسین نے ماضی میں پاکستانی شہریت ترک کردی تھی جس کے بعد دوبارہ دستاویزات کی تیاری میں وقت لگتا ہے، جلد ہی ایم کو ایم کے قائد کو شناختی کارڈ جاری کردیا جائے گا۔پارلیمنٹ ہاؤس کے باہر میڈیا سے بات کرتے ہوئے عبدالرشید گوڈیل کا کہنا تھا کہ الطاف حسین کارکنوں کے اصرار پر بیرون ملک سکونت اختیار کئے ہیں لیکن کارکنوں کی رائے کے خلاف اب جب الطاف حسین نے وطن واپس آنے کا فیصلہ کیا تو ان کی راہ میں رکاوٹیں کھڑی کی جارہی ہیں۔
17 اپریل کو دفتر خارجہ کی ترجمان نے اس کی تصدیق کی کہ الطاف حسین نے قومی شناختی کارڈ کے اجرا کے لئے درخواست دی ہے لیکن گزشتہ روز وزارت داخلہ کی جانب سے ان کی درخواست موصول ہونے سے ہی انکار کردیا۔ تعصب کی انتہا یہ ہوئی کہ اس کے بعد برطانیہ میں تعینات نادرا کے اہلکار کو بھی برطرف کردیا گیا جس نے ایم کیو ایم کے مرکز پر آکر ساری کارروائی مکمل کی تھی حالانکہ نادرا کے اہلکار نے الطاف حسین کے ساتھ خصوصی سلوک نہیں کیا تھا یہ سہولت برطانیہ میں موجود ہر پاکستانی کو میسر ہے۔رشید گوڈیل کا کہنا تھا کہ پاکستان اور بیرون ملک کروڑوں افراد الطاف حسین کو اپنا لیڈر مانتے ہیں لیکن ان کے ساتھ روا رکھا جانے والا رویہ محکمہ داخلہ کے وزیر کی ہٹ دھرمی اور متعصبانہ سوچ کی عکاسی کرتی ہے۔ وہ ارباب اختیار سے کہتے ہیں کہ اگر انھیں الطاف حسین کو شناختی کارڈ جاری کرنا تو بھی بتادیں اور جاری نہیں کرنا تو بھی بتادے تاکہ ایم کیو ایم آئینی اور قانونی راستہ اختیار کرے۔ انہوں نے کہا کہ الطاف حسین کے چاہنے والے محکمہ داخلہ کے رویے سے شدید غصے میں ہیں۔ ایم کیو ایم کے ارکان نے آج ایوان سے واک آؤٹ کیا ہے اور پارلیمنٹ ہاؤس کے باہر دھرنا دے رہے ہیں تاہم بعد میں وفاقی وزیر ریاض پیرزادہ ایم کیو ایم کے ارکان کو منا کر ایوان میں وپاس لے آئے۔
متعلقہ عنوان :
مزید اہم خبریں
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
-
پولیس وردی پہننے پر مریم نواز تنقید کی زد میں، پولیس کی وضاحت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.