اسلام آباد میںپی ٹی آئی کے جلسے کی تیاریاں مکمل۔۔۔ کارکنوں نے ساری رات تیاری جاری رکھی
اتوار 11 مئی 2014 15:40
راولپنڈی اور اسلام آباد میں تین سیاسی جماعتوں کی جانب سے ایک اہم دھرنے اور احتجاج کی تیاریاں آخری مراحل میں پہنچ گئی ہیں۔ پاکستان تحریکِ انصاف ( پی ٹی آئی) ، عوامی مسلم لیگ ( اے ایم ایل) اور پاکستان عوامی تحریک ( پی اے ٹی) کی جانب سے احتجاج کی کال دی گئی ہے۔ اسلام آباد میں پی ٹی آئی اور اے ایم ایل جناح ایونیو سے ڈی چوک تک مارچ کریں گی یا اگر مجاز اداروں کی اجازت ہوئی تو وہ ریڈ زون کے قریب تک جائیں گی۔
جبکہ پی اے ٹی کا احتجاج راولپنڈی کے مری روڈ سے چاندنی چوک اور کمیٹی چوک تک محدود رہے گا۔ ہفتے کے روز، پارٹی کارکن اور رضاکاروں نے سارا دن اور رات کی کافی حصے تک بھی انتظامات کئے اور اسٹیج پر کام جاری رکھا۔بلیو ایریا میں پولیس اور پی ٹی آئی کارکن بہت پرسکون انداز میں کام کرتے رہے ۔
(جاری ہے)
ان دونوں کا ہدف ایک ہی تھا کہ اتوار کا شو کسی گڑبڑ کے بغیر جاری رہے۔
جلسے میں آنے والے افراد کی ممکنہ تعداد پر پولیس اور پی ٹی آئی کارکنوں کے درمیان ایک دلچسپ اتفاق بھی دیکھا گیا۔ ' اگر ہم پچاس سے ساٹھ ہزار افراد کا انتظام کرسکیں تو ہمارے لئے بڑی کامیابی ہوگی،' پی ٹی آئی کے ایک عہدیدار نے بتایا جو بلیو ایریا میں انتظامات کا جائزہ لے رہے تھے۔ ' یہ جگہ 700x100 مربع فٹ پر واقع ہے اور 70,000 افراد کیلئے کافی ہے۔ ایک سینیئر پولیس افسر نے کہا۔ سیکیورٹی کا جائزہ لینے والے ایک سینیئر پولیس افسر نے بتایا۔ پریڈ اوینیو پر کنٹینر اور خاردار تار بچھائے گئے ہیں اور ڈی چوک تک جانے والا راستہ پہلے ہی بند کردیا گیا ہے۔ ریلی سے قبل عوامی بیان میں وزیرِ داخلہ چوہدری نثار علی خان نے توقع ظاہر کی ہے کہ پی ٹی آئی کے حامی ریڈ زون پر موجود سیکیورٹی گھیرے کو متاثر کرنے کی کوشش نہیں کریں گے۔ واضح رہے کہ اس جگہ حساس حکومتی دفاتر اور رہائش گاہیں ہیں۔ شہری انتظامیہ نے ہفتے کو ریڈ زون کو جانے والے تمام راستے سیل کردیئے تھے۔ سرینا ہوٹل، نادرا ہیڈکوارٹرز اور میریٹ ہوٹل کے دوراہے بھی بند کردیئے گئے ہیں۔پولیس افسروں نے ڈان ویب سائٹ کو بتایا کہ اتوار کی صبح پانچ بجے سے ہی تمام راستے بند کردیئے گئے ہی ' اسلام آباد آنے اور جانے کے راستوں کو بند کرنے کے کوئی احکامات نہیں ملے ہیں،' انہوں نے کہا۔
ہفتے کو پی ٹی آئی کے ایک کارکن ارشد نے کہا کہ ان کی جماعت نے کنٹینروں کا بندوبست خود کیا ہے۔ انہوں نے کہا کہ ہم مزید کنٹینر لانا چاہتے تھے لیکن انتظامیہ نے اجازت نہیں دی۔ اس موقع پر ایک پولیس افسر نے کہا کہ اگر پی ٹی آئی سے مزید کنٹینر مل سکے تو بہتر ہوگا کیونکہ انہیں بعض خالی جگہوں کو پر کرنا ہے۔ سیکیورٹی پلان کے تحت ریلی کو صرف ایک ہی راستے سے جانے دیا جائے گا جہاں گیارہ واک تھرو گیٹ لگائے گئے ہیں۔اس موقع پر بم ڈسپوزل اسکواڈ موجود رہے گا اور جلسے سے قبل پوری جگہ کا جائزہ لے گا۔ لیکن اسٹیج اور پی ٹی آئی رہنما کی حفاظت پولیس کے ذمےہوگی یہاں تک کہ پارٹی ورکروں کو بھی چار سو میٹر حدود میں داخل ہونے کی اجازت نہ ہوگی اور اسے ' نو مینز لینڈ' کہا گیا ہے ۔ اس موقع پر اسلام آباد ٹریفک پولیس نے ٹریفک پلان جاری کیا ہے جس کے تحت پی ٹی آئی کی ریلی تین مقامات سے دارالحکومت میں آئے گی جن میں گولڑہ چوراہا، روات اور بارہ کہو شامل ہیں۔ عمران خان اور مرکزی رہنما بنی گالہ سے مرکزی اسٹیج تک آئیں گے۔
متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.