خطرہ جمہوریت کو نہیں آمریت میں پلنے والے سیاستدانوں کو ہے، پرویزرشید

ہفتہ 10 مئی 2014 15:02

لاہور(اُردو پوائنٹ تازہ ترین اخبار۔ 10مئی 2014ء) وفاقی وزیر اطلاعات پرویز رشید نے کہا ہے کہ پاکستان تحریک انصاف اور پاکستان عوامی تحریک کے جلسہ سے حکومت اور جمہوریت کو کوئی خطرہ نہیں بلکہ خطرہ آمریت میں پلنے والے سیاستدانوں کو ہے۔ لاہور میں پریس کانفرنس کرتے ہوئے پرویز رشید کا کہنا تھا کہ جمہوریت کو مظبوط کرنے کے لئے احتجاج سب کا حق ہے لیکن اس جمہوری حق کو جمہوریت کو گالی دینے کے لئے استعمال نہیں کرنا چاہیئے۔

(جاری ہے)

ان کا کہنا تھا کہ پاکستان تحریک انصاف اور ڈاکٹر طاہر القادری کے جلسے سے حکومت اور جمہوریت کو کوئی خطرہ نہیں ہے البتہ آمریت میں پلنے والوں اور ایسے سیاست دان جو کسی کی بیساکھی بنے یا پکڑے ہوتے ہیں ان کی سیاسی زندگی کو خطرہ لاحق ہے۔

پرویز رشید نے کہا کہ احتجاج سب کا جمہوری حق ہے، حکومت کی طرف سے کسی پرکوئی دباو نہیں، جمہوریت کو گالی دینے والے جمہوری حق کی بات کرتے ہیں، کینیڈا سے آنے والے سیاستدانوں کے لیے جمہوریت خطرہ ہے، ایک صاحب کو کینیڈا سے آنا پڑجائے تو رونا شروع کر دیتے ہیں۔

Facebook Twitter Google + Share on Whatsapp

خطرہ جمہوریت کو نہیں آمریت میں پلنے والے سیاستدانوں کو ہے، پرویزرشید

متعلقہ عنوان :

مزید اہم خبریں