حکومت اور اسمبلیاں اپنی مدت پوری کریں گی، فضل الرحمان

جمعرات 8 مئی 2014 17:54

ملتان(اُردو پوائنٹ تازہ ترین اخبار۔ 8مئی 2014ء) جمعیت علما اسلام (ف) کے سربراہ مولانا فضل الرحمان نے کہا ہے کہ یہ تاثر غلط ہے کہ حکومت ختم ہوجائے گی، حکومت اور اسمبلیا اپنی مدت پوری کریں گی۔

(جاری ہے)

ملتان میں جامعہ قاسم العلوم میں میڈیا سے بات کرتے ہوئے جمیعت علمائے اسلام (ف) کے سربراہ کا کہنا تھا کہ طالبان اور حکومت کے درمیان مذاکرات درست سمت پر نہیں جارہے، ہمارے پاس مذاکرات کی کامیابی کے لئے میکنزم موجود ہے اگر حکومت نے پوچھا تو انہیں وہ راستہ بتاؤں گا جس سےمذاکرات کامیاب ہوجائیں۔

مولانا فضل الرحمان نےکہاکہ حکومت سے جے یوآئی نے وزارتوں کے حوالے سے اسٹیٹس لینے سے معذرت کی ہے، یہ تاثر غلط ہے کہ حکومت ختم ہوجائے گی اور اسمبلیاں اپنی مدت پوری کریں گی۔ دھاندلی کرنے والے خود دھاندلی کا شور مچارہے ہیں اور چورچور کہنے والے خود چورہیں۔

Facebook Twitter Google + Share on Whatsapp

حکومت اور اسمبلیاں اپنی مدت پوری کریں گی، فضل الرحمان

مزید اہم خبریں