عمران خان سڑک پر تماشا لگانے کی کوشش نہ کریں،سڑکوں پر مظاہرے کر کے حکومت کو کمزور نہیں کیا جاسکتا ،خواجہ سعد رفیق ،مرضی کے فیصلے آئیں تو عمران خان خوش رہتے ہیں نہ آئیں تو عدلیہ کو کرپٹ کہتے ہیں ،وزیراعظم بننے کاخواب پورا نہیں ہوا تو بدلہ جمہوریت سے نہ لیں ،شیخ الاسلام خود تو ملک میں رہتے نہیں انقلاب کیسے لائیں گے ، وفاقی وزیر داخلہ کی میڈیا سے گفتگو
منگل 6 مئی 2014 19:46
اسلام آباد(اُردو پوائنٹ اخبار تازہ ترین۔6مئی۔2014ء) وفاقی وزیر ریلوے خواجہ سعد رفیق نے کہا ہے کہ عمران خان سڑک پر تماشا لگانے کی کوشش نہ کریں، سڑکوں پر مظاہرے کرکے حکومت کو کمزور نہیں کیا جاسکتا ، وزیراعظم بننے کاخواب پورا نہیں ہوا تو بدلہ جمہوریت سے نہ لیں۔ منگل کوپارلیمنٹ ہاؤس کے باہر میڈیا سے بات چیت کرتے ہوئے خواجہ سعد رفیق نے کہاکہ عمران خان عدالتوں کو دباوٴ میں لانے کی کوشش کررہے ہیں، مرضی کے فیصلے آئیں تو عمران خان خوش رہتے ہیں اگر نہ آئیں تو عدلیہ کو کرپٹ کہتے ہیں۔
وزیر ریلوے نے کہاکہ عمران خان وزیراعظم نہیں بنے تو اس کا خمیازہ قوم کو نہ بھگتنے دیں۔ خان صاحب جس پارلیمنٹ کو دھاندلی کی پیداوار کہتے ہیں وہ خود بھی اس کا حصہ ہیں۔ انہوں نے کہاکہ عمران خان آئے روز موقف بدلتے ہیں یہ لیڈر کی نشانی کی نہیں۔(جاری ہے)
سعد رفیق نے عمران خان کے احتجاجی دھرنے کو مرضی کے فیصلے کرانے کیلئے عدلیہ اور الیکشن کمیشن کودباوؤ میں لینے کی کوشش قراردیتے ہوئے عمران خان کو شیخ رشید سے دور رہنے کا مشورہ دیتے ہوئے کہا کہ اگر وہ شاہ محمود قریشی اور مخدوم جاوید ہاشمی کی بات مانیں تو فائدے میں رہیں گے ۔
خواجہ سعد رفیق نے ڈاکٹر طاہر القادری پر بھی کڑی تنقید کرتے ہوئے کہاکہ شیخ السلام خود تو ملک میں رہتے نہیں انقلاب کیسے لائیں گے۔سعد رفیق نے کہاکہ طاہرالقادری کو ملکہ برطانیہ سے حلف وفاداری لینے کے بعد پاکستانی عوام کا دکھ کھائے جارہا ہے، ڈاکٹر طاہر القادری کی کسی بھی تحریک میں اخلاص نہیں ہوتا اور اخلاص نہ ہونے کے باعث یہ تحریک مذاق بن جاتی ہے، انہیں کسی بھی طور پر ملک میں جمہوریت پر حملے کی اجازت نہیں دی جائے گی۔سعد رفیق نے کہاکہ گزشتہ عام انتخابات کے موقع پر ملکی اور غیر ملکی میڈیا موجود تھا، پنجاب میں 60 نشستوں پر تحریک انصاف کے امیدواروں کی ضمانتیں ضبط ہوئیں، درحقیقت تحریک انصاف عدالتوں سے اپنی مرضی کے فیصلے چاہتی ہے۔ انہوں نے کہا کہ پولیو کے کیسز کی وجہ سے پاکستان پر پابندیوں کا خدشہ پیدا ہوگیا ہے، ملک میں اس مرض کے سب سے زیادہ کیس خیبر پختونخوا میں سامنے آرہے ہیں اور وہاں تحریک انصاف کی حکومت ہے، اس لئے عمران خان کو چاہیے کہ وہ پہلے پولیو کے سدباب کے لئے اقدامات کریں۔متعلقہ عنوان :
مزید اہم خبریں
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
خیبرپختونخوا ہ حکومت کا صحت کارڈ کی مد میں ڈاکٹرز کو موصول رقم پر سیلز ٹیکس لگانے کا فیصلہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.