امید ہے ایم کیو ایم کارکنان کی بازیابی کے حوالے سے دھرنے نہیں دے گی،رحمن ملک ،ایم کیو ایم اور پیپلز پارٹی کو لڑوانے والی تیسری قوت اب ایم کیو ایم کو فورسز سے لڑوانے کی سازش کررہی ہے،سابق وفاقی وزیر داخلہ ، وزیر اعظم بیرون ملک دورے پر اپنے چھوٹے بھائی کو لیکر جاتے ہیں ،میڈیا انہیں کہے وہ وزیر اعلیٰ سندھ کو بھی دورے پر ساتھ لے جائیں،صحافیوں سے بات چیت
پیر 5 مئی 2014 21:15
کراچی (اُردو پوائنٹ اخبار تازہ ترین۔5مئی۔2014ء) سابق وفاقی وزیر داخلہ سینیٹر رحمان ملک نے کہا ہے کہ متحدہ قومی موومنٹ (ایم کیو ایم) کے قائد الطاف حسین سے ٹیلی فون پر گذشتہ رات بات ہوئی ہے اور امید ہے کہ ایم کیو ایم کارکنان کی بازیابی کے حوالے سے دھرنے نہیں دے گی۔ ایم کیو ایم اور پیپلز پارٹی کو لڑوانے والی تیسری قوت اب ایم کیو ایم کو فورسز سے لڑوانے کی سازش کررہی ہے، جسے ہم جلد بے نقاب کریں گے۔
وزیر اعظم بیرون ملک دورے پر اپنے چھوٹے بھائی کو لیکر جاتے ہیں میڈیا انہیں کہے کہ وہ وزیر اعلیٰ سندھ کو بھی دورے پر ساتھ لیں جائیں۔نارتھ وزیرستان میں دہشتگردی کے خلاف سخت کارروائی ہونی چاہیے۔ لاتوں کے بھوت باتوں سے نہیں مانیں گے ، فوج کارروائی کرے پوری قوم ان کے ساتھ ہے۔(جاری ہے)
وہ پیر کو سندھ اسمبلی کے اجلاس کے موقع پراجلاس کی کارروائی دیکھنے کے بعد میڈیا سے بات چیت کررہے تھے۔
رحمان ملک نے کہا کہ ایم کیو ایم کا رکنان کے قتل عام اور ان کے لاپتہ ہونے پر احتجاج ان کا جمہوری حق ہے۔ انہوں نے کہا کہ ان کی جانب سے رینجرز پر عائد کردہ الزام پر ڈی جی رینجرز نے اس کی تصدیق کردی ہے اب ہماری ذمہ داری ہے کہ ہم ایم کیو ایم کے الزام کے بعد اس بات کی تصدیق کریں کہ وہ کون سے تیسری قوت ہے، جو ایم کیو ایم اور فورسز کو لڑوانے کی سازش کررہی ہے۔ انہوں نے کہا کہ ماضی میں بلوچستان میں بھی ایف سی کی جعلی وردیوں میں ملبوس دہشتگردوں نے کارروائیاں کرکے ایف سی کو بدنام کیا تھا اور ہم نے نہ صرف ان ملزمان کو بے نقاب کیا بلکہ انہیں جعلی وردیوں کے ساتھ گرفتار بھی کیا تھا۔ اب بھی ہم یہ تحقیقات کررہے ہیں کہ کراچی میں بھی ایسا ہی کچھ تو نہیں ہورہا۔ انہوں نے کہا کہ میں نے گذشتہ رات ایم کیو ایم کے قائد الطاف حسین سے ٹیلی فون پر بات کی ہے اور مجھے امید ہے کہ وہ دھرنے نہیں دیں گے۔ایک سوال کے جواب میں رحمان ملک نے کہا کہ اب میڈیا، سیاسی جماعتوں اور امن و امان کے تمام اداروں کو متحد ہوکر طالبان کی دہشتگردی کے خلاف ایک ہونا ہوگا۔ ایک اور سوال کے جواب میں انہوں نے کہا کہ پیپلز پارٹی نے کبھی بھی آمریت کو اس ملک میں آنے کی دعوت نہیں دی ہے۔ انہوں نے کہا کہ آج بھی اگر ہم طالبان کے خلاف پاک فوج کو نارتھ وزیرستان میں آپریشن کی دعوت دے رہے ہیں تو اس لئے کہ پاک فوج ہماری فوج ہے اور وہ ان دہشتگردوں سے نمٹنا بھی جانتی ہے۔انہوں نے کہا کہ ہم نے ہمیشہ فوج کارروائیوں کو سپورٹ کیا ہے اور اب بھی کرتے رہیں گے۔ عمران خان کی جانب سے 11 مئی سے چلائی جانے والی تحریک کے حوالے سے سوال کے جواب میں رحمان ملک نے کہا کہ 2013 کے انتخابات میں دھاندلی ہوئی ہے تاہم یہ وقت تحریک چلانے کا نہیں بلکہ اس ملک میں جمہوریت کا ساتھ دینے کا ہے۔ صوبہ سندھ میں وزیر اعلیٰ سندھ سید قائم علی شاہ کی کارکردگی پرسوال کے جواب میں انہوں نے کہا کہ اگر ان کی کارکردگی بہتر نہ ہوتی تو سندھ کے عوام پیپلز پارٹی کو دوبارہ بھاری اکثریت سے کامیاب نہیں کراتے۔ وہ ایک قابل اور سمجھدار سیاستدان اور سلجھے ہوئے انسان ہیں۔ انہوں نے کہا کہ مجھے افسوس ہے کہ وزیر اعظم میاں محمد نواز شریف بیرون ملک دورے اور سرمایہ کاری کے حوالے سے اپنے چھوٹھ بھائی کو تو ساتھ لے جاتے ہیں لیکن ایک سمجھدار اور سلجھے ہوئے سیاستدان کو اپنے ساتھ نہیں لے جاتے تو یہ اس صوبے کے ساتھ زیادتی ہے۔انہوں نے ازرہ مذاق میڈیا کے نمائندوں سے کہا کہ وہ وزیر اعظم کو کہیں کہ وہ اپنے بھائی کے ساتھ ساتھ وزیر اعلیٰ سندھ کو بھی اپنے ساتھ بیرون ملک دوروں پر لے جایا کریں۔متعلقہ عنوان :
مزید اہم خبریں
-
نوازشریف ملکی مفاد کی خاطرعمران خان سے بات چیت کیلئے تیار ہیں، رانا ثناء اللہ
-
بجلی چوری ، ایف آئی اے فیصل آباد زون کی بڑی کاروائیاں وفاقی وزیرداخلہ محسن رضا نقوی کی ہدایات پر بجلی چوری میں ملوث عناصر کیخلاف کریک ڈائون جاری
-
سپریم کورٹ کا کراچی میں رینجرز ہیڈ کوارٹرزسمیت تمام عمارتوں کے باہر سے رکاوٹیں ہٹانے کا حکم
-
پاکستان نے امریکی محکمہ خارجہ کی جاری کردہ انسانی حقوق سے متعلق رپورٹ مسترد کردی
-
"رینٹ اے پرائم منسٹر"
-
پی ٹی آئی کی تحریکوںملکی معیشت کو ناقابل تلافی نقصان پہنچا،شیری رحمان
-
سپریم کورٹ کا نسلہ ٹاور کی زمین بیچ کر الاٹیز کو معاوضہ ادا کرنے کا حکم
-
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.