جمہوری حکومت آئین کی حکمرانی اور انسانی و اقلیتوں کے حقوق کے تحفظ کیلئے پرعزم ہے ،وزیراطلاعات پرویز رشید ، مذہبی اور اقلیتی حقوق کے تحفظ کیلئے حکومت ہر ممکن اقدامات کرے گی ،جرمن پارلیمنٹ کے صدر سے گفتگو ، امید ہے پاکستانی حکومت کے طالبان سے مذاکرات کامیاب ہو جائینگے ، جرمن صدر
جمعرات 1 مئی 2014 22:21
اسلام آباد(اُردو پوائنٹ اخبار تازہ ترین۔1مئی۔2014ء) وفاقی وزیراطلاعات ونشریات سینیٹر پرویز رشید نے ایک بار پھر واضح کیا ہے کہ جمہوری حکومت آئین کی حکمرانی اور انسانی و اقلیتوں کے حقوق کے تحفظ کیلئے پرعزم ہے۔ وہ جمعرات کو یہاں جرمن پارلیمنٹ کے صدر ڈاکٹر نوربرٹ لیمرٹ کی قیادت میں ایک وفد سے ملاقات میں گفتگو کررہے تھے ۔وفد میں جرمنی کے اراکین پارلیمنٹ نائیلز اینن، مس میری لیوس بیک، ڈاکٹر ہنس پیٹر اور جرمن سفیر ڈاکٹر مائیکل کوچ سمیت پاکستان اور افغانستان کے لئے خصوصی نمائندے بھی شریک تھے جبکہ اس موقع پر سیکرٹری قانون، انصاف اور انسانی حقوق، بیرسٹر ظفر اللہ بھی موجود تھے۔
وفاقی وزیر اطلاعات و نشریات نے کہا کہ ملک میں جمہوریت ہے اور میڈیا کو مکمل آزادی حاصل ہے جبکہ سول سوسائٹی اپنا کردار ادا کر رہی ہے اور عدلیہ مکمل آزادی سے اپنے فرائض ادا کر رہی ہے۔(جاری ہے)
انہوں نے کہا کہ ملک میں پارلیمانی جمہوری نظام ہے اور ایگزیکٹو اتھارٹیز کی نگرانی مستعد اپوزیشن کر رہی ہے۔ انہوں نے کہا کہ پاکستان جرمنی کے ساتھ اپنے تعلقات کو انتہائی اہمیت دیتا ہے اور دونوں ممالک میں کئی اقدار مشترک ہیں۔
وفاقی وزیر نے انہیں بتایا کہ حکومت عوام کی فلاح و بہبود کیلئے کام کر رہی ہے جس کیلئے معیشت، توانائی اور تعلیم کے شعبوں پر خصوصی توجہ دی جا رہی ہے۔ انسانی حقوق کے متعلق ایک سوال کے جواب میں انہوں نے وفد کو بتایا کہ اٹھارہویں آئینی ترمیم کے بعد موثر عمل درآمد اور مشاورت کیلئے انسانی حقوق کے بہت سے محکمے صوبوں کو منتقل کیے گئے ہیں۔ انہوں نے وفد کو یقین دلایا کہ مذہبی اور اقلیتی حقوق کے تحفظ کیلئے حکومت ہر ممکن اقدامات کرے گی۔ ایک اور سوال پر وفاقی وزیر سینیٹر پرویز رشید نے کہا کہ حکومت امن و امان کے فروغ کیلئے طالبان سے مذاکرات کر رہی ہے۔ انہوں نے کہا کہ موجودہ جمہوری حکومت بات چیت کے عمل پر یقین رکھتی ہے اور پارلیمنٹ میں موجود تمام جمہوری قوتیں طالبان کے ساتھ بات چیت کے عمل پر حکومت کی مدد کر رہی ہیں۔ انہوں نے پاکستان اور جرمنی کے پارلیمانی وفود کے تبادلے پر زور دیا اور کہا کہ اس سے دونوں ممالک کے باہمی تعلقات کو مزید مضبوط کرنے میں مدد ملے گی۔ سینیٹر پرویز رشید نے کہا کہ حکومت اقتصادی بحالی کیلئے کرپشن کے خاتمے اور ہر سطح پر شفافیت کے عمل کو یقینی بنا رہی ہے۔ انہوں نے وفد کو تجویز پیش کی کہ وہ ملک میں سرمایہ کاری کے مواقع سے فائدہ اٹھائیں اور خصوصاً توانائی، بنیادی ڈھانچے اور زراعت کے شعبوں میں سرمایہ کاری کریں۔ ڈاکٹر نور برٹ لیمرٹ نے وفود کے تبادلے پر وفاقی وزیر کی تجویز سے اتفاق کیا اور کہا کہ اس سے دونوں ممالک کے تعلقات میں مزید وسعت اور استحکام آئے گا۔ انہوں نے طالبان کے ساتھ مذاکرات کی کامیابی کی امید ظاہر کی اور پاکستان میں جمہوریت کے مزید استحکام کی خواہش کا اظہار کیا۔متعلقہ عنوان :
مزید اہم خبریں
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
-
سپریم کورٹ حسان نیازی اورعباد فاروق کی جبری گمشدگی کا فوری نوٹس لے
-
عالمی رہنماؤں کا اسرائیل اور ایران سے تحمل کا مطالبہ
-
قدرتی طور پر خطے کی صورت حال پر تشویش ہے‘ایرانی صدر کے استقبال کے منتظرہیں. پاکستان
-
اٹلی کے وزیر خارجہ انتونیو تاجانی کی ایران کے شہراصفہان پراسرائیلی حملے کی تصدیق
-
اسرائیل کے خلاف آپریشن نے ہماری اتھارٹی، ہمارے عوام کی فولاد جیسی قوت ارادی اور ہمارے اتحاد کو ظاہر کیا ہے .ایرانی صدر
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.