زبردستی کی شادیاں اسلام کے خلاف ہیں،سعودی علماء ، بعض والدین اپنی مرضی کے بغیر حکام کو اپنی بیٹی اور ہونے والی دلہن سے ملنے نہیں دیتے، میڈیاسے گفتگو
بدھ 30 اپریل 2014 23:18
ریاض(اُردو پوائنٹ اخبار تازہ ترین۔30اپریل۔2014ء) سعودی علما نے زبردستی کی شادیوں کو اسلام اور اسلامی تعلیمات کے خلاف قرار دیتے ہوئے کہاہے کہ بعض والدین اپنی مرضی کے بغیر اپنی بیٹی اور ہونے والی دلہن سے ملنے نہیں دیتے، ایسے موقع پر سرکاری حکام جو نکاح نامہ تحریر کرتے ہیں انہیں ملنے پر اصرار کرنا چاہیے،غیرملکی خبررساں ادارے کے مطابق ان علما نے سعودی میڈیا سے گفتگو کرتے ہوئے کہا کہ اقوام متحدہ کی طرف سے اس نوعیت کی درجہ بندیوں کو انسانی حقوق کی سنگین خلاف ورزی قرار دیا ہے، ام القریِ یونیورسٹی میں ڈائریکتر اسلامک سٹڈیز اور نیشنل سوسائٹی فار ہیومن رائٹس کے رکن محمد السہیلی نے کہا کہ زبردستی کی شادیاں اسلامی اور سماجی دونوں حوالوں سے نا قابل قبول ہیں،انہوں نے کہاکہ اس انداز سے کی گئی شادیاں کسی بھی صورت مذہب سے لگا نہیں کھاتی ہیں ، جو لوگ ایسا کرتے ہیں وہ محض اپنی سماجی روایات کی وجہ سے ایسا کرتے ہیں،محمد السہیلی نے مزید کہاکہ جن قدامت پسند معاشروں میں زبردستی کی شادیاں ہوتی ہیں ان کے ہاں شوہر یا بیوی کسی کی کوئی اہمیت نہیں ہوتی ہے،ایک سوال کے جواب میں ان کا کہنا تھا '' ایسی چیزوں کی کوئی سند مذہب سے نہیں ملتی ہے اور نہ ہی اسلام جبری طور پر کی گئی شادیوں کی اجازت دیتا ہے، ان شادیوں کے پیچھے کسی فرد یا خاندان کے ذاتی مفادات، ایجنڈا اور دلچسپی ہوتی ہے جسے وہ مذہب کا لبادہ پہنا دیتا ہے،سعودی نظام کے حوالے سے انہوں نے کہاکہ اگر کسی خاتون کو اس کے مرد سرپرست کی طرف سے اس معاملے میں جبر کا سامنا ہو تو وہ عدالت کے ذریعے ایسی شادی کو منسوخ کرا سکتی ہے،انہوں نے کہا بعض والدین اپنی مرضی کے بغیر اپنی بیٹی اور ہونے والی دلہن سے ملنے نہیں دیتے ہیں، ایسے موقع پر سرکاری حکام جو نکاح نامہ تحریر کرتے ہیں انہیں ملنے پر اصرار کرنا چاہیے۔
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.