فلم ”دی لَو پنچ“ کاکامیڈی سے بھرپور ٹریلر جاری

پیر 28 اپریل 2014 14:02

لندن (اُردو پوائنٹ تازہ ترین اخبار۔ 28اپریل 2014ء) ہالی وڈ کے معروف اداکار پیئرس بروسنن کی نئی برٹش رومنٹک فلم ”دی لَو پنچ“ کاکامیڈی سے بھرپور ٹریلر جاری کر دیا گیا ۔

(جاری ہے)

رائٹر وہدایتکار جوئل ہاپکن کی اس فلم کی کہانی ایک ایسے طلاق یافتہ جوڑے کے گِرد گھوم رہی ہے جن کے ریٹائرمنٹ فنڈز کی رقم چوری ہو جاتی ہے ، اور یہ رقم حاصل کرنے کیلئے دونوں مختلف تدابیر اختیار کرتے ہوئے چوروں کا پیچھا کرتے ہیں۔

جین چارلس لیوی، ٹِم پیرل اور نکولس اسبورن کی مشترکہ پروڈکشن میں بننے والی اس فلم میں مرکزی کردار ہالی وڈ کے نامور اداکار پیئرس بروسنن اور ایما تھامپسن نبھا رہے ہیں جن کے علاوہ دیگر کاسٹ میں ٹیموتھی اسپیل ، سیلیا ایمری اورلیوئس بورگوئینگ شامل ہیں۔طنز و مزاح اور رومانس سے بھرپور یہ فلم 23مئی کوسنیما گھروں میں نمائش کیلئے پیش کر دی جائے گی۔

Facebook Twitter Google + Share on Whatsapp

فلم ”دی لَو پنچ“ کاکامیڈی سے بھرپور ٹریلر جاری

متعلقہ عنوان :

مزید فن و فنکار کی خبریں