اگلے پانچ سال میں پاکستان خطے کا اہم ملک بن جائے گا،ممنون حسین

ہفتہ 26 اپریل 2014 16:50

اگلے پانچ سال میں پاکستان خطے کا اہم ملک بن جائے گا،ممنون حسین

لاہور(اُردو پوائنٹ تازہ ترین اخبار۔ 26اپریل 2014ء) صدر مملکت ممنون حسین کا کہنا ہے کہ پاکستان اگلے پانچ سال میں خطے کا سب سے اہم ملک بننے والا ہے ، لاہور میں ساوٴتھ ایشیا لیبر کانفرنس سے خطاب میں ان کا کہناتھا کہ پاک چین اقتصادی راہداری سے خطے میں خوشحالی آئے گی۔

(جاری ہے)

صدر مملکت ممنون حسین نے خطاب کرتے ہوئے کہاکہ محنت کشوں کی فلاح وبہبود کے لیے علاقائی تعاون خوش آئند ہے ، باہمی تعاون سے لاکھوں افراد کا معیار زندگی بہتر بنایا جاسکتاہے ، صدر مملکت نے یکم مئی سے لیبر پالیسی نافذ کرنے پر پنجاب حکومت کومبارکباد دی۔

صدر مملکت نے یقین ظاہر کیا کہ اگلے پانچ سال میں پاکستان خطے کا سب سے اہم ملک بن جائے گا اور اس کی بنیادی وجہ پاک چین راہداری کی تعمیر ہے ، اس سے نہ صرف دونوں ملکوں کو بلکہ خطے کے تمام ملکوں کو فائدہ ہوگا اور روزگا ر کے مواقع بھی بڑھیں گے۔صدر مملکت نے کہاکہ پولیو کے کیسز کی موجودگی کی وجہ سے پاکستانیوں پربیرون ملک پابندی کی باتیں کرنے والوں کو معلوم ہونا چاہیے کہ ملک میں امن و امان کامسئلہ ہمارا اپناپیدا کردہ نہیں ۔

متعلقہ عنوان :