بیٹنگ کوچ کیلیے کوئی درخواست دی نہ ایسا کوئی ارادہ ہے، انضمام الحق
جمعہ 25 اپریل 2014 13:07
لاہور(اُردو پوائنٹ تازہ ترین اخبار۔ 25اپریل 2014ء)انضمام الحق نے کہا ہے کہ بیٹنگ کوچ کیلیے کوئی درخواست دی نہ ایسا کوئی ارادہ ہے، بورڈ نے رابطہ کیا تو خدمات حاضر ہونگی۔ ورلڈکپ میں زیادہ وقت نہیں، غیر ضروری تجربات سے گریز کیا جائے، ہرٹورنامنٹ کے بعد کرکٹرز کی غلطیاں سدھارنے کے بجائے اکھاڑ پچھاڑ شروع کردینا درست نہیں۔
تفصیلات کے مطابق باغ جناح لاہور میں ایک نمائشی میچ کے موقع پر میڈیا سے گفتگو کرتے ہوئے انضمام الحق نے کہا ہے کہ پی سی بی نے قومی ٹیم کیلیے کوچز کی تلاش کا اچھا طریقہ کار نکالا ہے، تاہم میں نے ابھی تک بیٹنگ کوچ کیلیے کوئی درخواست جمع نہیں کروائی اور نہ ہی ایسا ارادہ ہے،پہلے بھی بورڈ نے میری خدمات کی ضرورت محسوس کرتے ہوئے کیمپ کے دوران بلایا تو کرکٹرز کو ٹپس دینے کیلیے آگیا تھا،ابھی تک کوئی رابطہ نہیں کیا گیا، بلائیں گے تو اپنے پلیئرز کی رہنمائی کروں گا۔(جاری ہے)
انھوں نے کہا کہ ہر ٹورنامنٹ کے بعد اسکواڈ میں بڑی تبدیلیا ں کرنا شروع کردی جاتی ہیں جوکہ مناسب بات نہیں، کرکٹرز کی غلطیوں کو سدھارنے کے بجائے کوچ، کپتان، کھلاڑیوں سب کو بدل دینے کی روش درست نہیں، ٹوئنٹی20کیلیے کسی جونیئر کھلاڑی کو کپتان بنایا جاسکتا ہے مگر سینئر ٹیم کیلیے مصباح الحق بہترین آپشن ہیں، انھیں ورلڈ کپ تک کپتان برقراررکھنا چاہیے، انضمام نے کہاکہ میگا ایونٹ کی مہم کیلیے وقاریونس بطور کوچ بہترین انتخاب ثابت ہونگے،سابق پیسر نے اپنے گذشتہ دور میں قومی ٹیم کو کافی سنبھالا اور کارکردگی میں حیرت انگیز بہتری آئی تھی،اگر ان کو ہیڈ کوچ برقرار رکھا جاتا تو آج ہماری رینکنگ اور کارکردگی خاصی بہتر ہوتی، اس بنیاد پر کہا جاسکتا ہے کہ موجودہ صورتحال میں وقاریونس بہترین کوچ ثابت ہونگے۔
ورلڈ کپ کیلیے ابھی سے ممکنہ اسکواڈ تشکیل دے کر پلیئرز کو تسلسل کے ساتھ مواقع دیے جائیں تو اچھی کارکردگی کی توقع کی جاسکتی ہے۔مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.