آفتاب شیرپاؤ نے صوبہ میں تین سو ڈیم بنانے کے دعوے کو مضحکہ خیز قراردیا،اعلان صوبے کے عوام کو سبز باغ دکھانے کے مترادف ہے،صوبائی حکومت 11ماہ میں کسی بھی شعبے میں تبدیلی نہیں لا سکی، جلسے سے خطاب
منگل 22 اپریل 2014 21:05
پشاور(اُردو پوائنٹ اخبار تازہ ترین۔22اپریل۔2014ء) قومی وطن پارٹی کے مرکزی چیئرمین آفتاب احمد خان شیرپاوٴ نے پی ٹی آئی کے سربراہ کی طرف سے صوبہ میں تین سو ڈیم بنانے کے دعوے کو مضحکہ خیز قراردیا اور کہا کہ یہ صوبے کے عوام کو سبز باغ دکھانے کے مترادف ہے کیونکہ صوبائی حکومت کی 11ماہ کی کارکردگی میں کسی بھی شعبے میں تبدیلی نہیں لائی جا سکی ۔ان خیالات کا اظہار انھوں نے عمرزئی چارسدہ میں قومی وطن پارٹی کے رہنماء و سابق ممبر خیبر پختونخوا اسمبلی عالمزیب عمرزئی شہید کی برسی کے موقع پر ایک بڑے جلسہ عام سے خطاب کرتے ہوئے کیا۔
آفتاب شیرپاؤنے کہا کہ صوبے کے عوام نے پی ٹی آئی حکومت کی گیارہ مہینے گزرنے کے باوجود بھی کوئی تبدیلی محسوس نہیں کی اوریہی وجہ ہے کہ عوام ان سے مایوس ہو رہے ہیں۔(جاری ہے)
انھوں نے کہا کہ پی ٹی آئی کی مبہم اور غیر سنجیدہ پالیسیوں کی بدولت ان کے اپنے ہی ممبران اسمبلی ان سے بدظن ہو چکے ہیں جو پی ٹی آئی حکومت کی غلط طرز حکمرانی کا منہ بولتا ثبوت ہے۔
انھوں نے صوبے میں تین سو ڈیم بنانے کے دعوے کو پر فریب نعرہ قراردیتے ہوئے کہاکہ یہ صوبے کی عوام کو ایک اور دھوکہ دینے کی کوشش ہے۔انھوں نے کہا کہ پی ٹی آئی کے بلند و بانگ دعوؤں اور وعدوں کے برعکس صوبہ میں ترقیاتی عمل کا نام و نشان نہیں ،لوڈشیڈنگ ،مہنگائی و بے روزگاری، پسماندگی اورامن و امان کی بدترین صورتحال کی وجہ سے عوام کا جینا دوبھر چکا ہے۔انھوں نے کہا کہ احتساب کمیشن کی تاحال عدم تشکیل صوبائی حکومت کی غیر سنجیدگی کامظہر ہے۔آفتاب شیرپاؤ نے کہا کہ سابق چیف سیکرٹری کی جانب سے وزیراعلیٰ کو بھجوایا گیا خط پی ٹی آئی حکومت کے خلاف چارج شیٹ ہے جس نے پی ٹی آئی کی اچھی حکمرانی کا پول کھول دیاہے۔آفتاب شیرپاؤ نے کہا کہ صوبائی حکومت صوبے میں امن و امان کی طرف کوئی توجہ نہیں دے رہی ہے جس کی وجہ سے یہ مسئلہ مزیدسنگین ہورہا ہے ۔انھوں نے بڈھ بیراور چارسدہ میں پولیس اہلکاروں کے گاڑیوں پر بم دھماکے کی شدید مز مت کی اور ان واقعات میں جاں بحق اور زخمیوں ہونے والے افراد کے خاندانوں کے ساتھ دلی ہمدردی و یکجہتی کا مظاہرہ کیا۔آفتاب شیرپاؤ نے شہید عالمزیب عمرزئی کی خدمات کو خراج تحسین پیش کرتے ہوئے کہا کہ وہ پارٹی کا قیمتی اثاثہ تھے جنھوں نے جان فشانی ، انتھک محنت اور بے لوث خدمت کے ذریعے سیاسی میدان میں ایک نمایاں مقام حاصل کیا۔انھوں نے شہید عالمزیب عمرزئی کی جدوجہد کو پارٹی کارکنوں کیلئے مشعل راہ قراردیا اور کہا کہ ان کی خدمات ہمیشہ یاد رکھی جائے گی ۔اس موقع پر قومی وطن پارٹی کے رہنماء پارلیمانی لیڈر سکندر شیرپاؤ ،ارشد خان عمرزئی ایم پی اے، سلطان خان ایم پی اے ، خالد خان ایم پی اے، عبدلکریم خان ایم پی اے، ہاشم بابر، اسد آفریدی، طارق احمد خان،فقیر حسین ، نثار خان ایڈوکیٹ اور ضلع چارسدہ کے پارٹی رہنماء بھی موجود تھے۔متعلقہ عنوان :
مزید قومی خبریں
-
بلو چستان میں بہتر طرز حکومت اور شہر یوں کو ریلیف پہنچانا ہماری اولین تر جیح ہے، میرسرفراز بگٹی
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.