ڈاکٹر اقبال چوہدری ملک کے سب سے زیادہ ثمرآور محقق قرار دے دیے گئے ،فیصلہ 1700متحرک سائنسدانوں کے درمیان ہوا ہے، آئی سی سی بی ایس جامعہ کراچی کا بیان
اتوار 20 اپریل 2014 20:38
کراچی (اُردو پوائنٹ اخبار تازہ ترین۔20اپریل۔2014ء) پاکستان کونسل برائے سائنس اور ٹیکنالوجی (پی سی ایس ٹی)، اسلام آباد نے اپنی نئی تحقیق کے مطابق بین الاقوامی مرکز برائے کیمیائی و حیاتیاتی علوم (آئی سی سی بی ایس)، جامعہ کراچی کے سربراہ پروفیسر ڈاکٹرمحمد اقبال چوھدری کو پاکستان کا سب سے زیادہ ثمرآورسائنسدان قرار دے دیاہے۔ پاکستان کونسل برائے سائنس اور ٹیکنالوجی نے حال ہی میں پروڈکٹو سائنٹسٹ آف پاکستان 2013-14 کے عنوان سے اپنی نئی ڈائریکٹری کی اشاعت کی ہے جس میں پاکستان کی سرکاری اور غیرسرکاری جامعات، کالجوں اور تحقیقی اداروں میں کام کرنے والے 1700 سب سے زیادہ پروڈکٹو محقیقین و سائنسدانوں میں پروفیسر اقبال چوھدری کو اول قرار دیا ہے۔
پروفیسر ڈاکٹرمحمد اقبال چوھدری کا تعلق شعبہ کیمیا سے ہے جبکہ آئی سی سی بی ایس، جامعہ کراچی کے سربراہ کی حیثیت میں وہ ایچ ای جے ریسر چ انسٹی ٹیوٹ آف کیمسٹری سمیت ڈاکٹر پنجوانی سینٹر برائے مالیکیولر میڈیسن اور ڈرگ ریسرچ جیسے بین الاقوامی شہرت یافتہ اداروں کی رہنمائی کرتے ہیں۔(جاری ہے)
آئی سی سی بی ایس جامعہ کراچی کے ایک آفیشل کے مطابق پاکستان کونسل برائے سائنس اور ٹیکنالوجی سائنسدان کو اسکے منصب اور کارکردگی سے جانچتی ہے جس میں ملکی و غیر ملکی سطح پرتحقیقی اشاعتیں، کتب کی تصنیف و ادارت، پی ایچ ڈی، ایم فل اور ایم ایس سی طلبہ و طالبات کی رہنمائی، بین الاقوامی ایوارڈ، ریسرچ گرانٹ کے حصول کی کامیابی، تحقیقی جرائد کا امپیکٹ فیکٹر، سائٹیشن کے اعدادوشمار وغیرہ شامل ہیں۔
انھوں نے کہا ان تمام معیارات کی روشنی میں پروفیسرڈاکٹر اقبال چوھدری کو ملکی سطح پراول سائنسدان قرار دیا گیا ہے، انھوں نے کہا اسکے علاوہ چھ سے زائد سائنسدانوں کے نام جو آئی سی سی بی ایس جامعہ کراچی سے وابستہ ہیں علم کیمیا کے شعبے میں سب سے زیادہ ثمرآور محقیقین کی فہرست میں شامل ہیں، اس فہرست کے مطابق ڈاکٹر سید غلام مشرف ثمرآور محقیقین کے درمیان 17ویں نمبر پر ہیں جبکہ اعلیٰ تعلیمی کمیشن پاکستان کے سابق سربراہ پروفیسر ڈاکٹر عطاالرحمٰن 20ویں، ڈاکٹر ظہیرالحق 24 ویں، پروفیسر ڈاکٹرخالد محمد خان 28 ویں، ڈاکٹر محمد رضا شاہ 52 ویں اورپروفیسر ڈاکٹر وقارالدین احمد 92 ویں نمبر پر فائز ہیں۔ شیخ الجامعہ کراچی پروفیسر ڈاکٹر محمد قیصر نے آئی سی سی بی ایس جامعہ کراچی سے وابستہ ان تمام سائنسدانوں کو ان کی کامیابی پرمبارکباد پیش کی ہے۔مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.