ملک بھر کے تمام سرکاری ونجی بنکوں میں حج درخواستوں کی وصولی کل سے شروع ہوگی،جنوبی اضلاع کیلئے حج پیکج دو لاکھ باسٹھ ہزار دو سو اکتیس روپے ، شمالی اضلاع کیلئے یہ رقم دو لاکھ 72 ہزار دو سو اکتیس روپے ہو گی،عازمین حجاج کی نصف تعداد براہ راست مدینہ منورہ جا سکے گی،کسی شخص کو بھی مفت حج نہیں کرایا جائے گا دینی فرض کی ادائیگی دین کے تقاضوں اور اصولوں کے مطابق ہونی چاہیے،وفاقی وزیرمذہبی امورسرداریوسف کی گفتگو
اتوار 20 اپریل 2014 12:46
اسلام آباد(اُردو پوائنٹ اخبار تازہ ترین۔20اپریل۔2014ء) ملک بھر میں حج درخواستوں کی وصولی کل(پیرسے) شروع ہوگی،کامیاب درخواست گزاروں کا انتخاب قرعہ اندازی کے بجائے ،پہلے آئیے پہلے پائیے،کی بنیاد پر ہوگاتاہم گزشتہ پانچ سالوں کے دوران حج کی سعادت حاصل کرنے والا اس سال حج پر نہیں جا سکے گا،رواں سال ایک لاکھ تینتالیس ہزار پاکستانی فریضہ حج ادا کریں گے،ان میں سے چھپن ہزار سرکاری اسکیم جب کہ چھیاسی ہزار پرائیویٹ اسکیم کے تحت حجاز مقدس جائیں گے، قومی بنکوں سمیت تمام پرائیویٹ بنکوں میں درخواست گزار اپنی درخواستیں جمع کراسکیں گے ،جنوبی اضلاع کیلئے حج پیکج دو لاکھ باسٹھ ہزار دو سو اکتیس روپے ہو گا، شمالی اضلاع کیلئے یہ رقم دو لاکھ 72 ہزار دو سو اکتیس روپے ہو گی، اس رقم میں آنے جانے کا فضائی کرایہ اور وہاں قیام کے اخراجات شامل ہوں گے البتہ قربانی حجاج کرام کو اپنے خرچے سے کرنی پڑے گی،دوران حج انتقال کی صورت میں ورثا کیلئے معاوضہ تین لاکھ سے بڑھا کر پانچ لاکھ روپے کر دیا گیا ہے،ادھروفاقی وزیرمذہبی امورسرداریوسف نے کہاہے کہ رواں سال کسی شخص کو بھی مفت حج نہیں کرایا جائے گا یہ اچھا فیصلہ ہے دینی فرض کی ادائیگی دین کے تقاضوں اور اصولوں کے مطابق ہونی چاہیے،تفصیلات کے مطابق رواں سال بھی کوٹے میں 20 فیصد کمی کے ساتھ پاکستان سے 143368 خوش نصیب پاکستانی حج کی سعادت حاصل کریں گے ،کوٹے کو سرکاری و نجی سکیموں کے تحت نصف نصف تقسیم کیا جائے گا،قربانی کے واجبات کے بغیر حج پیکج 2 لاکھ 72 ہزار روپے پر مشتمل ہو گا،پاکستانی پیکج ریال کی 29 روپے قیمت کے حساب سے تیار کیا گیا ہے، فضائی کرایہ 107700 روپے ہو گا، حکومت پرائیویٹ حج ٹورز آپریٹرز کے پیکج کی بھی نگرانی کرے گی ،پیکچ کے تحت مطلوبہ سہولیات فراہم نہ کرنے والے آپریٹرز کے خلاف کارروائی کی جاسکے گی ،ٹوورآپریٹرز کو اس بارے میں آگاہ کردیا گیا ہے،کراچی ، کوئٹہ ،سکھر پر مشتمل ساؤتھ ریجن سے جانے والے عازمین کو حج واجبات کے سلسلے میں 262231 روپے جمع کروانا ہونگے۔
(جاری ہے)
متعلقہ عنوان :
مزید اہم خبریں
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.