امن کے لیے مذاکراتی عمل شروع کیا،بجلی پر اڑھائی سوارب سبسڈی دے رہے ہیں،اسحاق ڈار،ڈالرکی قیمت دوسری بار کم ہوئی ،اسمبلیوں میں تقرریں ہوئیں 127 تک چلا جائیگا،کچھ لوگ اپنے فائدے کی خاطر ملک کا نقصان کرتے ہیں،سیکورٹی مسائل پر قابو پانے کے لیے کوشاں ہیں،امن و امان کی بہتر صورتحال سے پاکستان میں غیر ملکی سرمایہ کاروں کے لیے بھرپور مواقع دستیاب ہوں گے،وزیرخزانہ اسحاق ڈارکی گفتگو
ہفتہ 19 اپریل 2014 00:11
اسلام آباد(اُردو پوائنٹ اخبار تازہ ترین۔19اپریل۔2014ء) وفاقی وزیرخزانہ اسحاق ڈارنے کہاہے کہ ملک میں امن کے لیے مذاکراتی عمل شروع ہے، امن و امان کی بہتر صورتحال کے نتیجے میں پاکستان میں غیر ملکی سرمایہ کاروں کے لیے بھرپور مواقع دستیاب ہوں گے، حکومت سیکورٹی کے مسئلے پر قابو پانے کے لیے کوشاں ہے،ڈالرکی قیمت میں دوسری مرتبہ کمی ہوئی،اسمبلیوں میں تقرریں ہوئیں کہ ڈالر 127روپے تک چلا جائیگا،کچھ لوگ اپنے فائدے کی خاطر ملک کا نقصان کرتے ہیں،ڈالر کی قیمت کم ہونے سے انڈس موٹرز سمیت 14کمپنیوں نے قیمتیں کم کرنی کی یقین دہانی کرائی ہے،بجلی پر اب بھی اڑھائی سوارب سبسڈی دے رہے ہیں،حکومت نے متعدد اصلاحات اور استحکام کے لیے اقدامات کیے ہیں، یہی وجہ ہے کہ ایشیائی ترقیاتی بینک، اسلامی ترقیاتی بینک، جائیکا، آئی ایف سی اور دیگر ادارے پاکستان کے ساتھ بزنس کر رہے ہیں،گزشتہ روز نجی ٹی وی سے بات چیت کرتے ہوئے وفاقی وزیرخزانہ اسحاق ڈارنے کہاکہ ملک میں امن کے لیے مذاکراتی عمل شروع ہے، امن و امان کی بہتر صورتحال کے نتیجے میں پاکستان میں غیر ملکی سرمایہ کاروں کے لیے بھرپور مواقع دستیاب ہوں گے، انہوں نے کہا کہ میکرو اکنامک استحکام کے لیے ہمارا 3 سال کا پروگرام ہے جس کے اہداف بڑے واضح ہیں، ہم مالیاتی خسارہ اس سال 8 فیصد سے 6.3 فیصد تک لائیں گے، آئندہ سال ہمارا ہدف 5 فیصد اور پھر اسے 4 فیصد تک لانا ہے، انہوں نے کہا کہ ہماری حکومت نے متعدد اصلاحات اور استحکام کے لیے اقدامات کیے ہیں، یہی وجہ ہے کہ ایشیائی ترقیاتی بینک، اسلامی ترقیاتی بینک، جائیکا، آئی ایف سی اور دیگر ادارے پاکستان کے ساتھ بزنس کر رہے ہیں،انہوں نے کہا کہ پاکستان سیکورٹی کے مسئلے پر قابو پانے کے لیے کوشاں ہے، حکومت معیشت، توانائی، تعلیم کی ترقی اور انتہا پسندی کے خاتمے کے منشور پر منتخب ہو کر آئی ہے، ورلڈ بینک کے ساتھ ہمارا آئندہ 5سالہ منصوبہ انہی عوامل پر مبنی ہے، انہوں نے کہا کہ کولیشن سپورٹ فنڈ امداد نہیں بلکہ دہشت گردی کے خلاف جنگ میں پاکستان کے اخراجات کی ادائیگی ہے۔
(جاری ہے)
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.