قلیل عرصہ میں شعبہ صحت میں انقلابی اقدامات اٹھائے ہیں،شوکت یوسفزئی،خیبر میڈیکل یونیورسٹی پشاور جیسے اہم ادارے کے ثمرات سے صوبے کے غریب عوام مستفید ہو رہے ہیں،صوبے میں میڈیکل ریسرچ کی بہت ضرورت ہے جسے سابقہ حکومتوں میں غلط پالیسیوں کی وجہ سے اس اہم ادارے کو یکسر نظر اندازکیا گیا،صوبائی وزیرصنعت کامیڈیکل کالج میں تقریب سے خطاب
ہفتہ 19 اپریل 2014 21:49
پشاور(اُردو پوائنٹ اخبار تازہ ترین۔19اپریل۔2014ء) خیبر پختونخوا کے وزیر صنعت و حرفت شوکت علی یوسفزئی نے کہا ہے کہ موجودہ حکومت نے قلیل عرصہ میں شعبہ صحت میں جو انقلابی اقدامات اٹھائے ہیں ان کی نظیر صوبے کی تاریخ میں نہیں ملتی۔انہوں نے مزید کہا کہ خیبر میڈیکل یونیورسٹی پشاور جیسے اہم ادارے کے ثمرات سے صوبے کے غریب عوام مستفید ہو رہے ہیں اور عرصہ درازسے ایجوکیشن اور ریسرچ کے میدان میں بھر پور کردار ادا کر رہا ہے۔
ان خیالات کا اظہار انہوں نے خیبر میڈیکل کالج پشاور(کے ایم سی) میں منعقدہ عالمی کانفرنس” میڈیکل ایجوکیشن اور ریسرچ“سے خطاب کرتے ہوئے کیا۔اس موقع پر کے ایم سی کے وائس چانسلر پروفیسر ڈاکٹر حفیظ اللہ اور ادارے کے پرنسپل پروفیسر ڈاکٹر اعجاز حسن بھی موجود تھے۔(جاری ہے)
صوبائی وزیر نے کہا کہ خیبر میڈیکل یونیورسٹی کی خدمات کسی سے ڈھکی چھپی نہیں جس کے قیام سے نہ صرف میڈیکل کالجوں کے انتظامی امور بلکہ طلبہ کو حصول تعلیم میں آسانیاں بھی میسر آئی ہیں۔
انہوں نے مزیدکہا کہ کہ اس صوبے میں میڈیکل ریسرچ کی بہت ضرورت ہے جسے سابقہ حکومتوں میں غلط پالیسیوں کی وجہ سے اس اہم ادارے کو یکسر نظر اندازکیا گیالیکن اب موجودہ حکومت اس پر خصوصی توجہ دے رہی ہے۔شوکت یوسفزئی نے کہا کہ تحریک انصاف کی حکومت نے صوبے میں ایشیاء کا پہلا انسولین بینک قائم کرکے تاریخ رقم کر دی۔انہوں نے مزید کہا کہ انسولین بینک کے قیام سے شوگر کے مریض مکمل استفادہ حاصل کر سکیں گے۔انہوں نے کہا کہ صوبے کی تاریخ میں پہلی مرتبہ غریب مریضوں کیلئے ہسپتالوں میں انجیوگرافی اور انجیوپلاسٹی کی سہولت بلا معاوضہ فراہم کر رہی ہے۔اسی طرح اس سال مئی میں اس صوبے کا پہلابرن سنٹر بھی مکمل ہوجائے گا۔انہوں نے کہا کہ صوبائی حکومت نے تمام ڈسٹرکٹ ہیڈکوارٹرز ہسپتالوں کو خود مختاراور بااختیار بنا دیا ہے۔شوکت یوسفزئی نے مزید کہا کہ صوبے میں بند صنعتوں کی نہ صرف بحالی اولین ترجیح ہے بلکہ بند صنعتوں کو فعال کرکے اپنے پاؤں پر کھڑا ہونے کے قابل بنائیں گے۔قبل ازیں وزیر صنعت شوکت یوسفزئی نے شعبہ طب میں بہترین کارکردگی دکھانے والے پروفیسرز اور ڈاکٹرز میں اسناد بھی تقسیم کئے۔ بعد ازاں وائس چانسلر پروفیسر ڈاکٹر حفیظ اللہ نے وزیر صنعت کو سوینر بھی پیش کیا۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.