بیروزگاری کے مسائل پر قابو پانے کیلئے فنی تعلیم کو فروغ دینے کی اشدضرورت ہے ،راجہ جاوید اخلاص ،آنے والے سالانہ میزانیے میں وفاق اور پنجاب کی سطح پر فنی تعلیم کے نئے اداروں کے قیام کیلئے زیادہ فنڈز مختص کئے جائینگے، وفاقی پارلیمانی سیکرٹری برائے کیبنٹ ڈویژن
منگل 15 اپریل 2014 20:53
راولپنڈی (اُردو پوائنٹ اخبار تازہ ترین۔15اپریل۔2014ء) وفاقی پارلیمانی سیکریٹری برائے کیبنٹ ڈویژن راجہ جاوید اخلاص نے کہا ہے کہ بے روزگاری کے مسائل پر قابو پانے کیلئے فنی تعلیم کو فروغ دینے کی اشدضرورت ہے جس پر مسلم لیگ ن کی حکومت بھر پور توجہ دے رہی ہے اور آنے والے سالانہ میزانئیے میں وفاق اور پنجاب کی سطح پر فنی تعلیم کے نئے اداروں کے قیام کیلئے زیادہ فنڈز مختص کئے جائیں گے ․ گوجر خان کے پسماندہ علاقے مندرہ میں اعلی ترین عام اور فنی تعلیم کے فروغ کی کاوشوں پر انجمن فیض الاسلام کے ادارے داد و تحسین اور صاحب حیثیت لوگوں کے تعاون کے مستحق ہیں ․ حکومت انجمن فیض الاسلام کو سوئی گیس کی جلد از جلد فراہمی کے علاوہ اس کے دیگر مسائل کے حل پر بھی توجہ دے گی ․ انہو ں نے ان خیالات کا اظہار یوم پاکستان اور یوم تاسیس انجمن فیض الاسلام کے مناسبت سے انجمن کے مندرہ کیمپس میں منعقدہ سائنسی و فنی نمائش کا افتتاح کرتے ہوئے کیا جس میں سائنسی ، انجنئرنگ و دیگر علوم کے بارے میں انجمن کے مختلف تعلیمی اداروں کے طلبہ نے اپنی تخلیقات نمائش کیلئے رکھی تھیں ․ اس موقع پر نامور ایٹمی سائنسدان ڈاکٹر انعام الرحمن ، انجمن کے صدر میاں محمد صدیق اکبر ، سنئیر نائب صدر پروفیسر عزیز احمد ہاشمی ، نائب صدر ڈاکٹر ایم ڈی خان ، جنرل سیکریٹری راجا فتح خان، پروفیسر نیاز عرفان ، منصور احمد ، مسز تسلیم منصور، سنئیر صحافی راجہ جاوید بھٹی اور اساتذہ و طلبہ کی بڑی تعداد بھی موجود تھی ․ راجہ جاوید اخلاص نے نمائش میں رکھے گئے مختلف سائنسی و فنی ماڈلز کو دلچسپی کے ساتھ دیکھا اور انجمن کے طلبہ سے ان کے بارے میں تفصیلات معلوم کیں ․ انہوں نے طلبہ کی ذہنی صلاحیتوں کو سراہتے ہوئے کہا کہ نوجوان نسل کو عام علوم کے ساتھ ساتھ جدید سائنسی و فنی علوم سے آراستہ کرکے قومی تعمیر نو میں فعال کردار کی ادائیگی کا حامل بنانا انجمن فیض الاسلام کا ایسا کارنامہ ہے جو ہم سب کیلئے قابل تقلید ہے ․ انہوں نے انجمن کے سنئیر نائب صدر پروفیسر عزیز احمد ہاشمی سے کہا کہ وہ ان علوم کے اعلی ترین معیار اور فروغ کیلئے جدید تدریسی سہولیات کے بارے میں اپنی ضروریات پر مبنی ایک مفصل رپورٹ انہیں پیش کریں تاکہ وہ وفاقی حکومت اور وزیر اعلی پنجاب سے انجمن فیض الاسلام کے ان اداروں کیلئے مالی وسائل کی فراہمی کی منظوری حاصل کر سکیں ․ انہوں نے کہا کہ انہیں یہ جان کر خوشی ہوئی ہے کہ انجمن فیض الاسلام کی رہائشی و تعلیمی اداروں میں سندھ ، بلوچستان اور شمالی علاقوں کے طلبہ کی اچھی خاصی تعداد فیض یاب ہو رہی ہے اور یوں یہ ادارہ پورے پاکستان کے بے وسیلہ بچوں کا سہارا بنا ہوا ہے ․ اس موقع پر صدر انجمن میاں محمد صدیق اکبر نے راجہ جاوید اخلاص کو بتایا کہ ہم اپنے تعلیمی اداروں میں اعلی معیار کے ساتھ بچوں کو نہ صرف تعلیم دے رہے ہیں بلکہ ان کی شخصیت و کردار سازی پر بھی پوری توجہ دی جاتی ہے جس میں انہیں اسلامی تعلیمات و اقدار سے مکمل آگاہی دینے کا اہتمام کیا جاتا ہے ۔
مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.