عراق،دوبم دھماکوں کے نتیجے میں 22افرادہلاک،37زخمی،موصل میں فورسزکے قافلے کو نشانہ بنایاگیا، ڈیبس میں پولیس چوکی پربمبارنے خودکو دھماکے سے اڑادیا،حکام
اتوار 13 اپریل 2014 22:51
بغداد(اُردو پوائنٹ اخبار تازہ ترین۔13اپریل۔2014ء) عراق میں دوالگ الگ بم دھماکوں کے نتیجے میں پانچ سیکورٹی اہلکاروں سمیت 22افرادہلاک اور37زخمی ہوگئے ،زخمیوں کو فوری طورپراسپتال منتقل کردیاگیا،غیرملکی خبررساں ادارے کے مطابق اتوارکو پولیس حکام نے بتایاکہ پہلے واقعے میں موصل شہر کے ایک مصروف تجارتی علاقے میں پولیس اور فوج کے مشترکہ گشت کے قافلے کو بارود سے بھری کھڑی کار کے ذریعے نشانہ بنایا گیا جس کے نتیجے میں پانچ سیکورٹی اہلکار اور نوشہری ہلاک ہو گئے،انہوں نے مزید بتایا کہ حملے میں18 دیگر افراد زخمی بھی ہوئے،موصل بغداد کے شمال مغرب میں تین سو ساٹھ کلو میٹر کی دوری پر واقع ہے،پولیس سربراہ نے بتایا کہ دوسرے واقعے میں شمالی شہر ڈیبس میں واقع چوکی پر خود کش کار بمبار نے اپنے آپ کو دھماکے سے اڑا لیا جس کے نتیجے میں آٹھ افراد ہلاک اور 19 زخمی ہو گئے،انہوں نے مزید کہا کہ حملے میں ہلاک اور زخمیوں میں شہری بھی شامل ہیں،یہ تازہ حملے عراق میں تیس اپریل کو منعقد انتخابات سے کچھ دن پہلے کیئے گئے ہیں، مغربی صوبے انبار کے کچھ حصوں میں پولنگ نہیں ہو گی، جہاں سیکورٹی فورسز اور جنگجوں کے درمیان شدید لڑائی ہو رہی ہے ،عراق میں گزشتہ سال سے تشدد میں اضافہ ہو گیا ہے،2013میں ہلاکتوں کی تعداد 2007کے مقابلے میں زیادہ دیکھی گئی تھی جب ملک بدترین فرقہ وارانہ فسادات کی آگ میں جل رہا تھا،اقوام متحدہ کے اعداد و شمار کے مطابق عراق میں گزشتہ سال تشدد کے واقعات میں 8800سے زیادہ لوگ ہلاک ہو گئے تھے,کسی بھی گروپ نے ان حملوں کی ذمہ داری قبول نہیں کی تاہم القاعدہ سے منسلک تنظیم اسلامک اسٹیٹ آف عراق خود کش حملوں میں عراقی سیکورٹی فورسز اور پولیس کو نشانہ بناتے رہے ہیں۔
متعلقہ عنوان :
مزید بین الاقوامی خبریں
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
-
حماس کے ساتھ مذاکرات ختم نہیں کیے گئے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.