حکومت نے پختونوں کو مایوسیوں کے سوا کچھ نہیں دیا،آفتاب احمد خان شیرپاؤ ، صوبہ کو بحرانوں سے نکالنے کیلئے کوئی ویژن نہیں ، غلط پالیسیوں کی وجہ سے مسائل میں مزید اضافہ ہوا ہے، چےئرمین قومی وطن پارٹی
اتوار 13 اپریل 2014 20:03
پشاور(اُردو پوائنٹ اخبار تازہ ترین۔13اپریل۔2014ء) قومی وطن پارٹی کے چےئرمین آفتاب احمد خان شیرپاؤ نے کہا ہے کہ تبدیلی کے نعروں پر اقتدار حاصل کرنے والوں نے پختونوں کو مایوسیوں کے سوا کچھ نہیں دیا۔ان خیالات کا اظہار انھوں نے اتوار کے روزمٹہ سوات میں ایک شمولیتی اجتماع سے خطاب کرتے ہوئے کیا۔اس موقع پرپی ٹی آئی اورمسلم لیگ ضلع سوات کے کارکنوں اسرار خان،سردار علی خان، نوررحمان،موسیٰ خان،عرفان اللہ،یوسف خان،فرمان علی،خان محمد،روزی خان،رحیم اللہ،بشیر خان،غفار خان،شاہد خان،عبدالجبار،حضرت اللہ،محمد شیرعلی اورفضل رحیم نے اپنے خاندانوں اور سینکڑوں ساتھیوں سمیت مستعفی ہوکر قومی وطن پارٹی میں شمولیت کا اعلان کیا۔
آفتاب شیرپاؤ نے کہا کہ پی ٹی آئی کی حکومت کے پاس پختونوں اور صوبہ کو بحرانوں سے نکالنے کیلئے کوئی ویژن نہیں اور ان کی غلط پالیسیوں کی وجہ سے صوبہ اور پختونوں کے مسائل میں کمی کی بجائے مزید اضافہ ہوا ہے۔(جاری ہے)
انھوں نے کہا کہ حکومت کی ناقص حکمت عملی کی وجہ سے صوبے کو مہنگائی،بے روزگاری اورلوڈشیڈنگ کے علاوہ اقتصادی ومعاشی بحرانوں کا سامنا ہے ۔
انھوں نے کہا کہ اس وقت صوبہ اورپختونوں کا سب سے بڑا مسئلہ امن و امان کا قیام ہے کیونکہ شدید بدامنی اور غیر یقینی کی وجہ سے صوبہ اور پختون ترقی کے دوڑ میں پیچھے رہ گئے ہیں۔انھوں نے کہا کہ امن کا قیام اور شہریوں کا تحفظ حکومت کی ذمہ داری ہے لہٰذاوہ امن کے پائیدار قیام اور پختونوں کی غیر یقینی کے خاتمے کیلئے ٹھوس اقدامات اٹھائے۔انھوں نے مزیدکہا کہ امن کے قیام کیلئے جاری مذاکراتی کمیٹی میں پختونوں کے حقیقی نمائندوں اور فاٹا کے ارکان کو شامل کرناچاہیے ۔انھوں نے کہا کہ قومی وطن پارٹی صوبہ اور پختونوں کے مفادات کے تحفظ کو یقینی بنانے اوران کو مشکلات سے نکالنے کیلئے اپنابھرپور کردار ادا کرے گی اور اس سلسلے میں قومی اور بین الاقوامی فورم پر آواز اٹھائے گی ۔اجتماع سے قومی وطن پارٹی کے آرگنائزر حاجی غفران،سابق صوبائی وزیر بخت بیدار خان ایم پی اے،فضل رحمان نونو،شیربہادرزادہ خان اور نصراللہ خان نے بھی خطاب کیا۔متعلقہ عنوان :
مزید قومی خبریں
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
وزیرِاعلی سندھ نے پیپلزبس سروس آٹو میٹڈ فیئر کلکشن سسٹم کا افتتاح کر دیا
-
حکومت کسانوں، گندم کے مسئلے پر بہت فکر مند ہے‘ احسن اقبال
-
وزیراعلیٰ مریم نوازشریف کا راجن پور میں 8 سالہ بچی سے زیادتی کے واقعہ کا نوٹس
-
پاکستان انٹرنیشنل ایئرلائن آمدہ حج سیزن کے دوران تقریبا ً34 ہزار عازمین حج کو 170 پروازوں کے ذریعے حجازمقدس پہنچائے گی
-
وزیرمواصلات عبدالعلیم خان کا سمبڑیال کھاریاں موٹروے کا فضائی دورہ
-
9 مئی واقعات کی شفاف تحقیقات کے بغیرملک آگے نہیں بڑھ سکتا ، زرتاج گل
-
کلر کہار، ڈرائیور اپنے کی ٹریکٹر کی زد میں آ کر جاں بحق
-
9 مئی: عمرسرفرازچیمہ کی درخواست ضمانت پرسرکاری وکیل سے دلائل طلب
-
9 مئی : ڈاکٹر یاسمین راشد کی ضمانت کی درخواستوں پر پراسیکیوشن کو کل تک مہلت
-
ٹرانسپورٹرز کے جائز مسائل حل کئے جائیں گے ،انسداد سمگلنگ کارروائی جاری رہے گی ،میرسرفرا زبگٹی
-
گورننس کی بہتری کیلئے اقدامات اٹھا ئے جا رہے ہیں ،سول سروسز کے تمام گروپس کو ساتھ دینا ہوگا،وزیر اعلی بلوچستان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.