ڈیوڈ لیٹرمین کی جگہ سٹیون کولبیئر لیں گے ،امریکی ٹی وی چینل کا اعلان
ہفتہ 12 اپریل 2014 13:18
واشنگٹن (اُردو پوائنٹ تازہ ترین اخبار۔ 12اپریل 2014ء)امریکی ٹی وی چینل سی بی ایس نے کہا ہے کہ آئندہ سال معروف ٹی وی شو میزبان ڈیوڈ لیٹرمین کی ریٹائرمنٹ پر ان کی جگہ سٹیون کولبیئر لیں گے۔49 سالہ کولبیئر کامیڈی سنٹرل چینل کے مقبول پروگرام دی کولبیئر رپورٹ کی میزبانی کرتے ہیں۔66 سال لیٹرمین نے گذشتہ ہفتے کہا تھا کہ 21 سال سی بی ایس اور 11 سال این بی سی کے ساتھ لیٹ نائٹ شوز کرنے کے بعد اب وہ ریٹائر ہو رہے ہیں۔
کولبیئر اپنے شو پر ایک تنزیہ کردار ادا کرتے ہیں جس میں وہ دائیں بازو کے تجزیہ کاروں کا مذاق اڑاتے ہیں۔سی بی ایس کی صدر لیزلی مونیز نے اس حوالے سے اعلان کرتے ہوئے ایک بیان میں کہا کہ سٹیون کولبیئر ٹی وی کی دنیا میں انتہائی معروف اور متحرم جگہ رکھتے ہیں۔(جاری ہے)
انھوں نے کہا کہ ڈیوڈ لیٹرمین کی کامیابیاں اور وراثت ہمارے لیے باعث فخر ہیں اور آج کے اعلان سے ہم نے یہ امید ظاہر کی کہ سی بی ایس میں ہم اس سلسلے کو جاری رکھ پائیں گے۔
سٹیون کولبیئر کا کامیڈی سنٹرل پر پروگرام انتہائی مقبول اور ایمی ایوارڈ یافتہ ہے ان کی تنقید کے انداز پر اکثر قدامت پسندوں اور ریپبلکن پارٹی کے اراکین تحفظات رہتے ہیں۔حال ہی میں سماجی روابط کی ویب سائٹوں پر انھیں ایک ایسا مذاق کرنے پر تنقید کا نشانہ بنایا گیا جسے بہت سے لوگوں نے ایشیائی امریکی شہریوں کی تضحیک کے طور پر دیکھاتاہم اس میں انھوں نے امریکی فٹبال کی ٹیم واشنگٹن ریڈ سکنز کے مالک پر تنز کیا تھا۔سی بی ایس کے اعلان کے بارے میں کولبیئر نے کہا کہ ڈیوڈ لیٹرمین کے شو پر مہمان بن کر آنا ہی میرے کیریئر کا بہترین موقعہ تھا۔انھوں نے کہا کہ میں نے کھبی خواب میں بھی سوچا نہ تھا کہ میں ڈیوڈ لیٹرمین کے نقشِ قدم پر چلوں گا مگر لیٹ نائٹ شوز میں ہر کوئی ڈیوڈ لیٹرمین کی ہی رہنمائی حاصل کرنا چاہتا ہے۔مزید فن و فنکار کی خبریں
-
اداکارہ تمنا بھاٹیہ کو سائبرکرائم سیل نے طلب کرلیا
-
ایک شادی سے ہی خوش ہوں، باقی کو بھی ایک پر اکتفا کرنا چاہیے، ابرارالحق
-
اداکارہ ایشا دیول کو ہونٹوں کی سرجری کروانا مہنگا پڑگیا
-
اداکارہ پریتی زنٹا کی طویل عرصے کے بعد بڑی اسکرین پر واپسی
-
راکھی ساونت کی ضمانت مسترد ہونے پرعادل خان کا بیان سامنے آگیا
-
اداکارہ روینہ ٹنڈن کا بیٹی کو شادی کیلئے جلد بازی نہ کرنے کا مشورہ
-
نازش جہانگیرنے بابراعظم سے متعلق بیان والا اسکرین شاٹ جعلی قرار دے دیا
-
اداکارہ ایمن خان کو یو اے ای کا گولڈن ویزہ مل گیا
-
ریمبو اور صاحبہ نے شادی کے لیے وظیفے شروع کر دیے تھے، نشو بیگم
-
پاکستانی ٹک ٹاکراسامہ بھلی کی نجی ویڈیوزلیک
-
پاکستان کے نامور صداکار اور میزبان طارق عزیز کا یوم پیدائش 28 اپریل کو منایا جائیگا
-
مسلمان کورین پاپ سنگر داد کم نے مسجد کی تعمیر کا کام روک د یا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.