وزیراعظم خون بہائے بغیرامن کے خواہاں ہیں،پروفیسرابراہیم، کچھ لوگ مذاکرات کے حق میں نہیں،الٹے سیدھے بیانات دے کرمذاکراتی عمل کونقصان پہنچانے کی مذموم کوشش کررہے ہیں، خواہش ہے طالبان کی طرف سے جنگ بندی مستقل فائربندی میں تبدیل ہوجائے ، دونوں طرف رابطوں میں کمی کی وجہ سے ملاقات کی جگہ کاتعین نہیں ہوسکا،میڈیا سے بات چیت
جمعہ 11 اپریل 2014 20:26
سر گودھا(اُردو پوائنٹ اخبار تازہ ترین۔11اپریل۔2014ء) امیرجماعت اسلامی خیبرپختونخوا وممبرطالبان رابطہ کمیٹی پروفیسرمحمدابراہیم نے کہاہے کہ وزیراعظم نوازشریف اس لحاظ سے ایک مثبت وژن رکھتے ہیں کہ وہ خون بہائے بغیرامن کے خواہاں ہیں، کچھ لوگ مذاکرات کے حق میں نہیں اس لئے وہ الٹے سیدھے بیانات دے کرمذاکراتی عمل کونقصان پہنچانے کی مذموم کوشش کررہے ہیں انہوں نے کہا کہ ہماری خواہش ہے کہ طالبان کی طرف سے جنگ بندی مستقل فائربندی میں تبدیل ہوجائے ۔
دونوں طرف رابطوں میں کمی کی وجہ سے ملاقات کی جگہ کاتعین نہیں ہوسکا۔انہوں نے یہاں آمد پر سابق ایم این اے وامیرجماعت اسلامی پی پی 34حاجی جاویداقبال چیمہ کی رہشگاہ پر گفتگوکر تے ہوئے کہاکہ ستبر2013ء میںآ ل پارٹیزکانفرنس میں تمام دینی وسیاسی جماعتوں نے حکومت کاطالبان سے مذاکرات کامینڈیٹ دیاتھا۔(جاری ہے)
مذاکرات بڑے مثبت اندازمیںآ گے بڑھ رہے تھے کہ امریکی ڈرون حملے کی وجہ سے تعطل آگیا۔
قوم حکومت اور طالبان کے مذاکرات کے حوالے سے خوشخبری سننے کے لیے بے چین ہے ۔بہت زیادہ پیش رفت تونہیں ہوسکی لیکن یہ تعطل انشااللہ بہت جلددورہوجائے گا۔ انہوں نے کہاکہ سندھ اسمبلی کی قراردادکہ سابق گورنرسلیمان تاثیراورسابق وزیراعظم یوسف رضاگیلانی کے بیٹیوں کی رہائی عمل میںآ ئے ہم بھی اس کے خواہاں ہیں لیکن یہ وقت اختلافی بیانات دینے کانہیں ہے۔کورکمانڈرزکانفرنس کے بعدآئی ایس پی آرکی طرف سے یہ بیان کے حکومت مذاکرات کے حوالے سے جوبھی فیصلہ کرے گی فوج بحیثیت ادارہ اس کی حمایت کرے گی لیکن اب آئی ایس پی آرکاموقف سمجھ سے بالاترہے ۔اگرفوج کوکوئی اعتراض ہے تووہ خودمذاکراتی عمل کاحصہ بن جائے ۔انہوں نے مذاکرات کی کامیابی کے تائم فریم کے حوالے سے پوچھے گئے ایک سوال کاجواب دیتے ہوئے کہاکہ دس سالہ جنگ میں دونوں فریق بہت آگے جاچکے ہیں لہذاایک مہینہ میں تو مذاکرات کامیاب نہیں ہوسکتے لیکن ہم اس کے لیے مخلصانہ کوششیں جاری رکھے ہوئے ہیں۔حکومت اورفوج میں مذاکرات کے حوالے سے اختلاف اورطالبان گروپوں کی باہمی لڑائی بھی مذاکرت کونقصان پہنچاسکتی ہے۔حکومت کی طرف سے قیدیوں کی کی رہائی کے بارے میں پوچھے گئے سوال کے جواب میں پرفیسرمحمد ابراہیم نے کہاکہ ان کی درست تعدادکے بارے میں قیاس آرائیاں ہی کی جاسکتی ہیں۔اسلام آباداورسبی بم دھماکوں کے بارے میں سوال کے جواب میں انہوں نے کہاکہ طالبان نے اس دونوں دھماکوں کی بھرپورمذمت کی ہے جواس بات کی علامت ہے کہ کوئی اورہاتھ بھی مذاکراتی عمل کوسبوتاژکرناچاہتاہے ۔انہوں نے طالبان کی سیاسی عمل میں حصہ لینے کے بارے میں کہاکہ اس کافیصلہ تووقت کرے گا۔طالبان کی طرف سے شریعت کے نفاذکے بارے میں پوچھے گئے سوال کے جواب میں انہوں نے کہاکہ طالبان کی شریعت یامیری اورآپ کی شریعت نہیں بلکہ شریعت وہ ہے جس کونبی اکرم ﷺ لے کرآئے تھے۔ قبل ازیں پروفیسرمحمدابراہیم نے جامعہ قاسم العلوم میں تکمیل صحیح بخاری کے موقع پربھی خطاب کیا۔دیگرمقریرین میں مولانا عبدالمالک،امیرضلع زبیراحمدگوندل، مولاناسہیل احمدودیگرنے بھی خطاب کیا۔مزید اہم خبریں
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.