یوسف رضا گیلانی اور سلمان تاثیر کے بیٹے ہمارے پاس نہیں ہیں، ترجمان تحریک طالبان

منگل 8 اپریل 2014 12:44

میران شاہ(اُردو پوائنٹ تازہ ترین اخبار۔ 8اپریل 2014ء) تحریک طالبان پاکستان کے ترجمان شاہد اللہ شاہد نے کہا ہے کہ حکومت کو غیر عسکری قیدیوں کی رہائی،فری پیس زون اور ساتھیوں کا قتل عام روکنے کی تین شرائط پیش کیں ایک پر بھی عمل نہیں ہواحکومت کا غیر عسکری قیدیوں کی رہائی کا دعویٰ غلط ہے ہمارے کسی ساتھی کو رہا نہیں کیا گیا۔

(جاری ہے)

ایک بیان میں انہوں نے کہا ساتھیوں کی بوری بند لاشیں اور گرفتاریاں معمول ہے، ہم امن کا تحفہ دے رہے تھے بدلے میں ساتھیوں پر تشدد کیا جا رہا ہے، مطالبات نہ مانے گئے تو جنگ بندی میں توسیع ممکن نہیں۔ انہوں نے کہا ہمیں کچھ معلوم نہیں کہ حکومت کس کو رہا کر رہی ہے۔

اگر ہمارے ساتھیوں کو رہا کیا جا رہا ہے تو ہماری کمیٹی کو کیوں اعتماد میں نہیں لیا جا رہا۔ یوسف رضا گیلانی اور سلمان تاثیر کے بیٹے ہمارے پاس نہیں ہیں تاہم اجمل خان ہمارے پاس ہیں۔ گمنام لوگوں کی رہائی سے حکومت نے اچھا مذاق شروع کیا ہے۔