توہین آمیز پیغامات بھیجنے کے الزام میں سزائے موت کی سزا پانے والے مجرمان کے وکیل کافیصلے کیخلاف ہائی کورٹ میں اپیل دائر کر نے کااعلان ،شفقت امینوئل نے اپنے اقبالی بیان میں توہین آمیز پیغامات بھیجنے کا اعتراف کیا ہے ، اہلیہ شگفتہ بیگناہ تھیں ، وکیل صدف صدیق کی گفتگو
ہفتہ 5 اپریل 2014 20:06
گوجرہ(اُردو پوائنٹ اخبار تازہ ترین۔5اپریل۔2014ء)توہین آمیز پیغامات بھیجنے کے الزام میں سزائے موت کی سزا پانے والے مجرمان کے وکیل صدف صدیق نے فیصلے کے خلاف ہائی کورٹ میں اپیل دائر کر نے کااعلان کرتے ہوئے کہا ہے کہ شفقت امینوئل نے اپنے اقبالی بیان میں توہین آمیز پیغامات بھیجنے کا اعتراف کیا ہے تاہم اس کی اہلیہ شگفتہ بیگناہ تھیں۔ برطانوی نشریاتی ادارے کو دیئے گئے انٹرویو میں وکیل صفائی نے بتایا کہ اگرچہ شفقت امینوئل نے اپنے اقبالی بیان میں توہین آمیز پیغامات بھیجنے کا اعتراف کیا ہے تاہم اس کی اہلیہ شگفتہ بیگناہ تھیں اور انھیں تفتیش میں صرف اس لیے شامل کیا گیا تھا کہ جس فون سے پیغام بھیجا گیا اس کی سِم شگفتہ کے نام پر تھی۔
صدف صدیق نے کہاکہ وہ اس فیصلے کے خلاف ہائی کورٹ میں اپیل کریں گے اور شگفتہ بی بی کو انصاف دلوائیں گی کیونکہ وہ بیگناہ ہیں۔(جاری ہے)
انہوں نے کہاکہ شفقت امینوئل ایک دہائی سے زیادہ عرصے سے معذور ہیں اور ان کا دماغی معائنہ بھی ہونا چاہیے۔وکیل صفائی نے کہا کہ ایڈیشنل سیشن جج نے گذشتہ ہفتے شگفتہ کی ضمانت رد کرتے ہوئے مقدمے کی جلد سماعت کا فیصلہ کیا تھا اور پھر صرف ایک ہفتے بعد سزائے موت سنا دی گئی۔
صدف صدیق نے کہاکہ ہمیں اچھی طرح سے جرح کا موقع بھی نہیں ملا اور ہم نے تو مقدمے کی منتقلی کی درخواست بھی دی تھی کیونکہ جج پر بھی اعتراض تھا کہ وہ غیرجانبدار نہیں رہے تھے اور وکیل استغاثہ خود اس مقدمے کے گواہ بھی تھے۔واضح رہے کہ گوجرہ سے تعلق رکھنے والے شفقت امینوئل اور شگفتہ کوثر پر الزام تھا کہ انھوں نے اپنے علاقے کی مسجد کے امام کو موبائل پر پیغمبر اسلام کی توہین پر مبنی ایک پیغام بھیجا تھا۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.