سری لنکن بورڈ نے اپنی ٹیم کو ورلڈ کپ جیتنے کا نسخہ بتا دیا
ہفتہ 5 اپریل 2014 12:00
کولمبو(اُردو پوائنٹ تازہ ترین اخبار۔ 5اپریل 2014ء) سری لنکن کرکٹ بورڈ نے فائنل سے قبل ڈالرز دکھا کر پلیئرز کو فتح کی ترغیب دلانا شروع کر دی، اگر ٹیم نے اتوار کو چوکرز کا لیبل اتار کر کامیابی حاصل کی تو اسے ایک ملین ڈالر اضافی بونس سے نوازا جائے گا۔ گذشتہ روز حکام نے اعلان کیا کہ اگر کھلاڑی آئی سی سی ورلڈ ٹی ٹوئنٹی ٹرافی کے ساتھ وطن واپس آئے تو ہم پہلے سے اعلان شدہ رقم میں تین گنا اضافہ کر دیں گے، ایگزیکٹیو کمیٹی کے ہنگامی اجلاس میں فیصلہ ہوا کہ فیصلہ کن معرکے میں کامیابی کی صورت میں پلیئرز کو ڈیڑھ ملین ڈالر کا انعام دیا جائے گا، اس میں 5 لاکھ ڈالرکی فیس بھی شامل ہے، آئی لینڈرز کو اس کیلیے بھارت کو قابو کرنا ہو گا، گذشتہ میگا ایونٹ کے ہوم گراؤنڈ پر منعقدہ فائنل میں سری لنکا کو ویسٹ انڈیز نے زیر کر لیا تھا، ٹیم آخری دونوں 50 اوورز کے ورلڈ کپ فائنلز میں بھی ناکام رہی، آخری بار اس نے1996میں ارجنا راناٹنگا کی زیرقیادت ٹرافی پائی تھی۔
(جاری ہے)
یاد رہے کہ سری لنکن بورڈ اور کھلاڑیوں کے درمیان معاوضوں پر تنازع جاری ہے، پلیئرز نے بنگلہ دیش روانگی سے قبل سینٹرل کنٹریکٹ پر دستخط سے انکار کر دیا تھا، ایک موقع پر حکام نے بی ٹیم بھیجنے کی بھی دھمکی دی، بعد ازاں کارکردگی کی بنیاد پر مراعات کا اعلان کیا۔ دریں اثنا سری لنکن شائقین کو چارٹر فلائٹ کے ذریعے ڈھاکا پہنچانے کا انتظام کر لیا گیا، کرکٹ بورڈ اعلامیے کے مطابق جہاز اتوار کی صبح بنگلہ دیش جائے گا اور میچ کے بعد رات کو ہی واپسی ہو جائے گی۔ ٹیم کی شاندار کارکردگی نے آئی لینڈرز میں کرکٹ کا جنون بڑھا دیا ہے، بڑی تعداد میں بھارتی بھی فائنل دیکھنے کیلیے ڈھاکا کا سفر کریں گے۔
مزید کھیلوں کی خبریں
-
سرگودھایونیورسٹی میں 20ویں سالانہ سپورٹس گالا اور 45 ویں آل پاکستان فٹ بال چیمپئن شپ کی سرگرمیاں شروع ہوگئیں
-
انڈین پریمیئر لیگ میں واحد میچ رائل چیلنجرز بنگلورو اور سن رائزرز حیدرآباد کی ٹیموں کے مابین کل کھیلا جائے گا
-
انگلش پریمیئرلیگ میں دلچسپ مقابلے جاری، (کل) مزید 4 میچ کھیلے جائیں گے
-
ارسلان ایش ویزا مسائل کے باعث دنیا کے سب سے بڑے ٹورنامنٹ میں شرکت سے محروم
-
آئی پی ایل، لکھنو سپر جائنٹس نے چنائی سپرکنگز کو6 وکٹوں سے ہرا دیا
-
ٹی ٹونٹی رینکنگ میں شاہین آفریدی کی ترقی، بابر اعظم کی تنزلی
-
ٹی ٹونٹی ورلڈ کپ: نیویارک کے سٹیڈیم کی پچ کنڈیشن، تکمیل کی تاریخ، ٹکٹ کی قیمتیں سامنے آگئیں
-
نیوزی لینڈ کیخلاف چوتھے ٹی ٹونٹی میچ کیلئے ممکنہ پاکستانی پلیئنگ الیون سامنے آگئی
-
پی سی بی کی یتیم بچوں کو میچ دیکھنے کی دعوت
-
شاداب خان نے نائب کپتان بننے کے حوالے سے خاموشی توڑ دی
-
شاداب خان پاکستانی بلے بازوں کو اپنا سٹرائیک ریٹ بہتر کرتا دیکھنے کے خواہاں
-
ہندوستانی ٹیم چیمپئنز ٹرافی 2025ء کیلئے پاکستان کا سفر نہیں کرے گی: بھارتی میڈیا رپورٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.